କେନ୍ଦୁଝରଗଡ଼ : ନରସିଂହ ସ୍ୱାଇଁ ପୋଲିସ ହାଇସ୍କୁଲ ଠାରେ ରବିବାର ଓଡିଶା ସରକାରୀ ହାଇସ୍କୁଲ ଶିକ୍ଷକ (ନୂତନ ପେନସନ ଯୋଜନାଭୁକ୍ତ) ସଂଘର କାର୍ଯ୍ୟକାରିଣୀ ବୈଠକ ସଭାପତି ସୁଧାକର ପଣ୍ଡାଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି । ବୈଠକ ପ୍ରାରମ୍ଭରେ ନୂତନ ଭାବେ ନିୟମିତ ହୋଇଥିବା ଶିକ୍ଷକ ଶିକ୍ଷୟିତ୍ରୀମାନଙ୍କୁ ସ୍ୱାଗତ କରାଯାଇଥିଲା । ୬ବର୍ଷ ଚୁକ୍ତିଭିତ୍ତିକ ଅବଧିକୁ ନିୟମିତ କରିବା, ୨୦୦୪ରୁ ୨୦୧୦ ମଧ୍ୟରେ କାର୍ଯ୍ୟରତ ଶିକ୍ଷକ ଓ ଶିକ୍ଷା କର୍ମଚାରୀଙ୍କୁ ୬ଟି ନୋସନାଲ ବର୍ଦ୍ଧିିତ ବେତନ ପ୍ରଦାନ, ନୂତନ ପେନସନ ଯୋଜନାକୁ ଉଛେଦ କରି ପୂର୍ବ ପେନସନ ଯୋଜନା କାର୍ଯ୍ୟକାରୀ କରିବା ଆଦି ବିଷୟରେ ବୈଠକରେ ବିସ୍ତୃତ ଭାବେ ଆଲୋଚନା ହୋଇଥିଲା। ଚଳିତମାସ ୨୫ ତାରିଖ ସୁଦ୍ଧା ରାଜ୍ୟ ସରକାର ଏହି ଦାବିଗୁଡିକୁ ପୁରଣ ନକଲେ ୨୬ ତାରିଖରୁ ସାମୁହିକ ଛୁଟିରେ ରହି ଭୁବନେଶ୍ୱରେ ଠାରେ କାର୍ଯ୍ୟବନ୍ଦ ଆନ୍ଦୋଳନରେ ସାମିଲ ହେବେ ବୋଲି ସଭାପତି ଶ୍ରୀ ପଣ୍ଡା ଚେତାବନୀ ଦେଇଛନ୍ତି। ଏହି ଅବସରରେ ସଂଘର ଆଗାମୀ ୩ବର୍ଷ ପାଇଁ ନୂତନ କାର୍ଯ୍ୟକାରୀ କମିଟି ଗଠନ କରାଯାଇ ଆବାହକ ଭାବେ ମୃତ୍ୟୁଞ୍ଜୟ ପଲେଇ, ସଭାପତି ଭାବେ ସୁଧାକର ପଣ୍ଡା, କାର୍ଯ୍ୟକାରୀ ସଭାପତି ରବିନାରାୟଣ ବାରିକ, ଉପସଭାପତି ଶୁଭପ୍ରଦାୟିନୀ ପାତ୍ର, ପ୍ରଦୀପ କୁମାର ପାତ୍ର ଓ ବାଦଲ କୁମାର ଜେନା, ସାଧାରଣ ସମ୍ପାଦକ ଭାବେ ମନୋଜ କୁମାର ପଣ୍ଡା, ସଙ୍ଗଠନ ସମ୍ପାଦକ ସୁବ୍ରତ କୁମାର ଲେଙ୍କା, ଯୁଗ୍ମସମ୍ପାଦକ ଭାବେ ଅଜ୍ଞାନ କୁମାର ଚାନ୍ଦ ଓ ଲଲାଟ କୁମାର ସ୍ୱାଇଁ, କୋଷାଧ୍ୟକ୍ଷ ଭାବେ ମାନସ କୁମାର ଜେନା, ସହକୋଷାଧ୍ୟକ୍ଷ ପ୍ରକାଶ କୁମାର ବିଶ୍ୱାଳ, ଜିଲା ସଂଯୋଜକ ଭାବେ ପ୍ରଶାନ୍ତ କୁମାର ପରିଡା ଓ ରାଜ୍ୟ ସଂଯୋଜକ ଭାବେ ଆନନ୍ଦ ଚନ୍ଦ୍ର ସାହୁ ଏବଂ ମିଡିଆ ସେଲ ସମ୍ପାଦକ ଭାବେ ସେଜନ୍ୟ ପଣ୍ଡା ମନୋନୀତ ହୋଇଛନ୍ତି।
Comments are closed.