ଭୁବନେଶ୍ୱର : ପାତ୍ରପଡା ଆଦର୍ଶ ହୋମଠାରେ ଆଜି ଓଡ଼ିଶାର ପ୍ରଥମ ମାନସିକ ୱେଲନେସ କେନ୍ଦ୍ର ଉଦଘାଟିତ ହୋଇଯାଇଛି । ମାନସିକ ରୋଗୀଙ୍କ ଚିକିତ୍ସା କରାଇ ସମାଜର ମୁଖ୍ୟ ସ୍ରୋତରେ ସାମିଲ କରିବା ଏହି ଆଦର୍ଶ ହୋମର ମୁଖ୍ୟ ଉଦ୍ଦେଶ୍ୟ। ଆଗାମୀ ଦିନରେ କିଭଳି ଭାବେ ଏହି ଆଦର୍ଶ ହୋମକୁ ସାରା ଭାରତ ବର୍ଷରେ ଲୋକାଦୃତ କରାଯାଇପାରିବ ଏହାର ମୁଖ୍ୟ ଉଦ୍ଦେଶ୍ୟ ରହିଛି । ଏଠାରେ ମାନସିକ ରୋଗୀଙ୍କୁ ମେଡ଼ିସିନ ପ୍ରଦାନ ସହ ଥେରା ପ୍ରେଟିକ ଟ୍ରିଟମେଣ୍ଟ ଏବଂ କାଉନସେଲିଂ ଦିଆଯାଇଥାଏ । ଆର୍ଥିକ ଅନଗ୍ରସରଙ୍କୁ ମାଗଣା ଚିକିତ୍ସା ପ୍ରଦାନ କରାଯିବାର ବ୍ୟବସ୍ଥା ରହିଛି । ଏହାସହ ଏଠାରେ ସୁଲଭ ମୂଲ୍ୟରେ ଚିକିତ୍ସା ସୁବିଧା ଯୋଗାଇଦେବାର ବ୍ୟବସ୍ଥା ରହିଛି । ଭାରତବର୍ଷର ସର୍ବ ପୁରାତନ ଆୟୁର୍ବେଦର ଶୈଳୀ ମାଧ୍ୟମରେ ଚିକିତ୍ସା କରାଯାଇଥାଏ ।
ଏହି ଅବସରରେ ମୁଖ୍ୟ ଅତିଥି ଭାବେ ପ୍ରଫେସର ଅମ୍ରିତ ପଟ୍ଟଯୋଶୀ, ନ୍ୟୁରୋ ସାଇକ ଆର୍ଟିଷ୍ଟ, ସମ୍ମାନିତ ଅତିଥି ଅଭିନେତା ବାବୁସାନ, ନ୍ୟୁରୋ ସାଇକ ଆର୍ଟିଷ୍ଟ ଡ. ଶୁଭେନ୍ଦୁ ନାରାୟଣ ମିଶ୍ର, ପ୍ରତିଷ୍ଠାତା ଗୁରୁ ପ୍ରସାଦ ଦାସ ପ୍ରମୁଖ ଯୋଗଦେଇଥିଲେ । ପ୍ରଥମେ ମୁଖ୍ୟ ଅତିଥିଙ୍କ ଦ୍ୱାରା ପ୍ରଦୀପ ପ୍ରଜ୍ବଳନ ହୋଇଥିଲା। ମାନସିକ ରୋଗୀଙ୍କ ପାଇଁ ଏହା ଏକ ସୁରକ୍ଷା ଜୋନ ଭାବେ କାମ କରିବ ବୋଲି ମୁଖ୍ୟ ଅତିଥି ପ୍ରଫେସର ଶ୍ରୀ ପଟ୍ଟଯୋଶୀ କହିଥିଲେ । ସେହିଭଳି ସମ୍ମାନିତ ଅତିଥି ଭାବେ ଯୋଗଦେଇଥିବା ଶ୍ରୀ ମହାନ୍ତି କହିଥିଲେ କି ଏମିତି ଏକ ଜାଗା ନିହାତି ଆବଶ୍ୟକ । ଏଭଳି ଏକ ସେଣ୍ଟର ସହ ଯୋଡି ହୋଇଥିବାରୁ ସେ ନିଜ ଖୁସି ବ୍ୟକ୍ତି କରିଥିଲେ । ଅନ୍ୟପଟେ ଶ୍ରୀ ମିଶ୍ର କହିଥିଲେ ଯେ ‘ଆପଣମାନଙ୍କ ପାଖରେ କେହି ନଥିଲେ ଆଦର୍ଶ ହୋମର ସାହାଯ୍ୟ ନେଇପାରିବେ’ । ସୂଚନାଯୋଗ୍ୟ ମିଡ଼ିଆ ପ୍ଲାନର ମାର୍କେଟିଂ ମୁଖ୍ୟ ପ୍ରଣୟ ଜେଠୀ ରହିଛନ୍ତି ଏହାର ପ୍ରଚାର ପ୍ରସାର ଦାୟିତ୍ୱ ତୁଲାଉଛନ୍ତି ।
