ଭୁବନେଶ୍ବର: ରାଜ୍ୟରେ ଭୟଙ୍କର ହେଲାଣି ବାୟୁ ପ୍ରଦୂଷଣ । ଅନୁଗୁଳରେ ବାୟୁ ମାନ ସୂଚକାଙ୍କ ୩୫୨ ଛୁଇଁଲା । କେନ୍ଦ୍ରୀୟ ପ୍ରଦୂଷଣ ନିୟନ୍ତ୍ରଣ ବୋର୍ଡର ସୂଚନା ଅନୁସାରେ ଦେଶର ୧୬ଟି ପ୍ରଦୂଷିତ ସହର ତାଲିକାରେ ଓଡିଶାର ୬ଟି ସହର ରହିଛି । ପ୍ରଦୂଷଣର ମାତ୍ରା ଏତେ ସାଂଘାତିକ ରହିଛି ଯେ , ଅନୁଗୁଳ ସହର ଦିଲ୍ଲୀକୁ ବି ଟପିଯାଇଛି ।
ବର୍ତ୍ତମାନ ଦିଲ୍ଲୀରେ ବାୟୁପ୍ରଦୂଷଣର ମାତ୍ରା ୩୪୫ ରହିଥିବାବେଳେ, ଅନୁଗୁଳରେ ୩୫୨ ରହିଛି । ସେହିପରି କଟକରେ ୩୪୦ , ବାଲେଶ୍ୱରରେ ୩୩୪, ଭୁବନେଶ୍ୱରରେ ୩୩୪, କେନ୍ଦୁଝରରେ ୩୨୬, ତାଳଚେରରେ ୩୦୪ ରହିଛି । ରାଇରଙ୍ଗପୁରରେ ପ୍ରଦୂଷଣର ମାତ୍ରା ୩୦୦ ଏବଂ ବଡ଼ବିଲରେ ୨୯୨ ରହିଛି। ଯାହା ସାଂଘାତିକ ସ୍ଥିତି ବୋଲି କୁହାଯାଉଛି ।
