ସମାଜ ଲାଇଭ ଡ଼େସ୍କ : ଓଡିଶା କଳାକାର ମାନସ କୁମାର ସାହୁ ଏକ ସୁନ୍ଦର ବାଲୁକା କଳା ସହିତ ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କୁ ସ୍ୱାଗତ କରିଛନ୍ତି । ଦୁଇ ଘଣ୍ଟା ଧରି ନିଜ ପ୍ରତିଭା ଓ ଧୈର୍ଯ୍ୟର ପ୍ରଦର୍ଶନ କରି, ବାଲୁକା ଶିଳ୍ପୀ ମାନସ ପୁଟିନଙ୍କ ପ୍ରତିମୂର୍ତ୍ତି ତିଆରି ସମୟର ଏକ ଭିଡିଓ ଜାରି କରିଛନ୍ତି
ପ୍ରତିକ୍ରିୟାରେ ମାନସ କହିଛନ୍ତି , ଆମେ ପୁଟିନଙ୍କର ଏକ ବାଲୁକା କଳା ଉପସ୍ଥାପନ କରିଛୁ । ଏହା ମାଧ୍ୟମରେ ଭାରତର କଳା ଏବଂ ସଂସ୍କୃତି ପ୍ରଦର୍ଶନ କରିଛୁ । ଆଗାମୀ ଦିନରେ, ଆଶା କରୁଛୁ ଯେ ଉଭୟ ଦେଶ ସେମାନଙ୍କର ସମ୍ପର୍କକୁ ମଜବୁତ କରିବେ ଏବଂ ଉଭୟ ଦେଶ ଶାନ୍ତି ଏବଂ ସମୃଦ୍ଧି ପାଇବେ । ଏହି ପ୍ରତିମୂର୍ତ୍ତି କରିବା ପାଇଁ ଆମକୁ ପ୍ରାୟ ୨ଥର ଚେଷ୍ଟା କରିବାକୁ ପଡ଼ିଲା ବୋଲି ମାନସ କୁମାର ସାହୁ ଭିଡିଓରେ କହିଛନ୍ତି ।
