ନାଗାଲାଣ୍ଡରେ ସାଧାରଣ ନାଗରିକଙ୍କୁ ହତ୍ୟା ଘଟଣା ନେଇ ଆଜି ଲୋକସଭାରେ ଏନପିପି ସାଂସଦ ଆଗାଥା ସାଙ୍ଗମା ପ୍ରଶ୍ନ କରିଛନ୍ତି। ସେ ସରକାରଙ୍କୁ ଉତ୍ତର-ପୁର୍ବାଞ୍ଚଳରୁ ସଶସ୍ତ୍ର ବାହିନୀ ସ୍ୱତନ୍ତ୍ର କ୍ଷମତା ଆଇନକୁ ପ୍ରତ୍ୟାହାର କରିବାକୁ ଅନୁରୋଧ କରିଛନ୍ତି ଏବଂ ଏହାକୁ ଏକ ଅନାବଶ୍ୟକ ଆଇନ ବୋଲି କହିଛନ୍ତି। ତୁରାରୁ ରାଷ୍ଟ୍ରୀୟ ଲୋକ ଦଳର ଲୋକସଭା ସାଂସଦ ଆଗାଥା ଲୋକସଭାରେ ଏହି ପ୍ରସଙ୍ଗ ଉଠାଇ କହିଛନ୍ତି ଯେ ଏହି ଆଇନ ଆଳରେ ସାଧାରଣ ନାଗରିକଙ୍କୁ ଅନ୍ୟାୟ ଭାବରେ ନିର୍ଯାତନା ଦିଆଯାଉଛି, ବଳାତ୍କାର ଓ ହତ୍ୟା କରାଯାଇଛି। ଏନପିପି ବିଜେପି ନେତୃତ୍ୱାଧୀନ ଏନଡିଏ ସରକାରର ସହଯୋଗୀ ଅଟେ।
ଚଳିତ ମାସ ୪ରେ ଓଟିଙ୍ଗ ଗାଁରେ ସୁରକ୍ଷା କର୍ମୀଙ୍କ ଗୁଳି ମାଡ଼ରେ ୧୪ ଜଣ ସାଧାରଣ ନାଗରିକ ପ୍ରାଣ ହରାଇଥିଲେ। ଏହା ପ୍ରଥମ ଘଟଣା ନୁହେଁ ଯେଉଁଠାରେ ନିରୀହ ସାଧାରଣ ନାଗରିକ ରହିଥିଲେ। ତେବେ ଏହା ପ୍ରଥମ ଘଟଣା ନୁହେଁ, ଆଗରୁ ମଧ୍ୟ ଆଫସା ଆଇନ ଲାଗୁ ପରେ ଏଭଳି ଅନେକ ଘଟଣା ଘଟିଥିବା ସାଂସଦ ସାଙ୍ଗମା କହିଛନ୍ତି। ୨୦୦୦ ମସିହାରେ ଇମ୍ଫାଲ ମଣିପୁରରେ ମାଲୋମ ହତ୍ୟାକାଣ୍ଡ ରେ ୧୦ରୁ ଅଧିକ ସାଧାରଣ ନାଗରିକଙ୍କୁ ହତ୍ୟା କରାଯାଇଥିଲା ଯେଉଁଠି ପାଇଁ ୨୮ ବର୍ଷୀୟ ଇରୋମ ଶର୍ମିଲା ୧୬ ବର୍ଷ ଆମରଣ ଅନଶନ କରିଥିବା କଥା ସେ ଲୋକସଭାରେ କହିଛନ୍ତି।
ଆଫସା ଆଇନ ପ୍ରତ୍ୟାହାର ପାଇଁ ଗତକାଲି ଲୋକସଭାରେ ଆଇଏମ୍ଆଇଏମ୍ ସାଂସଦ ଅସଉଦ୍ଦିନ ଓବେସି ଦାବି କରିଥିବା ବେଳେ କଂଗ୍ରେସ ସାଂସଦ ପ୍ରଦ୍ୟୁତ ବୋର୍ଡୋଲାଇ କହିଛନ୍ତି ଯେ ଚେକ୍ ଏବଂ ବାଲାନ୍ସର ଆବଶ୍ୟକତା ରହିଛି। ରାଜ୍ୟ ସରକାରଙ୍କ ଦ୍ୱାରା ଘଟଣାର ସଠିକ୍ ଯାଞ୍ଚ ପାଇଁ ଏକ ସ୍ୱତନ୍ତ୍ର ଅନୁସନ୍ଧାନକାରୀ ଦଳ (ଏସଆଇଟି) ଗଠନ କରାଯାଇଛି।
