ମିଥ୍ୟା ଖବର ପାଇଁ ଜାରି କରାଯାଇଥିବା ମାର୍ଗଦର୍ଶିକାକୁ ପ୍ରତ୍ୟାହାର ପାଇଁ ପ୍ରଧାନମନ୍ତ୍ରୀଙ୍କ ନିର୍ଦେଶ
ନୂଆଦିଲ୍ଲୀ: ମିଥ୍ୟା ଖବର ପ୍ରକାଶ ପାଇଁ ସୂଚନା ଓ ପ୍ରସାରଣ ମନ୍ତ୍ରାଳୟ ଜାରି କରିଥିବା ମାର୍ଗଦର୍ଶିକାକୁ ପ୍ରତ୍ୟାହର ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନିର୍ଦେଶ ଦେଇଛନ୍ତି । ସୋମବାରରେ ମିଥ୍ୟା ଖବର ବା ଫେକ୍ ନିଉଜ୍ ଦେଉଥିବା ଖବର ଦାତଙ୍କ ମାନ୍ୟତା ପ୍ରଥମ ଥର ୬ ମାସ, ଦ୍ୱିତୀୟ ଥର ପାଇଁ ଏକ ବର୍ଷ ଓ ତୃତୀୟ ଥର ଫେକ୍ ନିଉଜ୍ ଦେଲେ ସ୍ଥାୟୀ ଭାବେ ମାନ୍ୟତା ରଦ୍ଦ କରିବା ପାଇଁ ସୂଚନା ଓ ପ୍ରସାରଣ ମନ୍ତ୍ରାଳୟ ପକ୍ଷରୁ ମାର୍ଗ ଦର୍ଶିକା ଜାରି କରାଯାଇଥିଲା । ସ୍ମୃତି ଇରାନୀ ଏବେ ସୂଚନା ଓ ପ୍ରସାରଣ ମନ୍ତ୍ରୀ ଅଛନ୍ତି । ତେବେ ଏହାର ଅପ ବ୍ୟବହାର ନେଇ ଅନେକ ପ୍ରଶ୍ନ ଉଠିଥିଲା । ସାଧୁତାର ସହ କାମ କରୁଥିବା ସାମ୍ବାଦିକମାନଙ୍କୁ ବି ଏହି ମାର୍ଗ ଦର୍ଶିକା ଅନୁସାରେ ହଇରାଣ କରାଯାଇ ପାରେ ବୋଲି ଅନେକ ପ୍ରଶ୍ନ ଉଠାଇଥିଲା ।
ଏହାକୁ ନେଇ ଅନେକ ପ୍ରଶ୍ନ କରିବା ସହ ତୀବ୍ର ପ୍ରତିକ୍ରିୟା ପ୍ରକାଶ ପାଇଥିବାରୁ ମାର୍ଗ ଦର୍ଶିକାକୁ ପ୍ରତ୍ୟାହାର ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନିର୍ଦେଶ ଦେଇଛନ୍ତି । ଭାରତୀୟ ପ୍ରେସ ପରିଷଦ ଓ ବୈଦ୍ୟୁତିକ ଗଣ ମାଧ୍ୟମ ହୋଇଥିଲେ ବ୍ରୋଡ କାଷ୍ଟର ଆସୋସିଏସନ୍ ବା ଏନ୍ବିଏକୁ ଏହାର ବିଚାର ପାଇଁ ପଠାଇବା ପାଇଁ ପରାମର୍ଶ ଦିଆଯାଇଛି ।