ୱାଶିଂଟନ: ଭାରତରେ କୋଭିଡର ଦ୍ୱିତୀୟ ପର୍ଯ୍ୟାୟ ସଂକ୍ରମଣ ନିୟନ୍ତଣ ବାହାରକୁ ଯାଉଥିବାବେଳେ କୋଭିଡ ପ୍ରତିଷେଧକ ଟିକା ଅଧିକ ଉତ୍ପାଦନ ପାଇଁ ଆବଶ୍ୟକ କେତେକ ଗୁରୁତ୍ୱପୂର୍ଣ୍ଣ ଉପାଦାନ ଭାରତକୁ ରପ୍ତାନି କରିବା ଉପରେ ଆମେରିକା ଲଗାଇଥିବା ନିଷେଧାଦେଶ ଉଠାଇବାକୁ ସେରମ ଇନଷ୍ଟିଚ୍ୟୁଟ ପକ୍ଷରୁ ସୋମବାର କରାଯାଇଥିବା ଅନୁରୋଧ ଉପରେ ହ୍ୱାଇଟହାଉସ କିଛି ମତାମତ ଦେଇନାହିଁ। ସେରମ ଇନଷ୍ଟିଚ୍ୟୁଟ ପକ୍ଷରୁ କୁହାଯାଇଛି ଯେ ବାଇଡେନ ପ୍ରଶାସନ କୋଭିଡ ଟିକା ପ୍ରସ୍ତୁତି ପାଇଁ ଆବଶ୍ୟକ ଉପାଦାନ ଭାରତକୁ ରପ୍ତାନି ଉପରେ ପ୍ରତିବନ୍ଧକ ଲଗାଇଛନ୍ତି। ଏହା ପ୍ରତ୍ୟାହାର କରିନେବାକୁ ଇନଷ୍ଟିଚ୍ୟୁଟ ପକ୍ଷରୁ ଆମେରିକା ରାଷ୍ଟ୍ରପତି ଜୋ ବାଇଡେନଙ୍କୁ ନିବେଦନ କରାଯାଇଛି। କିନ୍ତୁ ଏପର୍ଯ୍ୟନ୍ତ ସେ ବାବଦରେ ଉତ୍ତର ମିଳିନାହିଁ। ଭାରତରେ ସରକାରୀ ସୂତ୍ର ଅନୁଯାୟୀ ଏ ସମ୍ପର୍କରେ ବାଇଡେନ ପ୍ରଶାସନ ବିଚାର କରୁଥିବା ଭାରତକୁ ଜଣାଇଛନ୍ତି। ଏ ସମ୍ପର୍କରେ ଖୁବଶୀଘ୍ର ନିଷ୍ପତ୍ତି ନିଆଯିବ।
Popular Categories
Previous article
Next article