ନୂଆଦିଲ୍ଲୀ : ବ୍ୟବସାୟୀ ମୁକେଶ ଅମ୍ବାନୀଙ୍କ ପତ୍ନୀ ତଥା ସମାଜସେବୀ ନୀତା ଅମ୍ବାନୀଙ୍କୁ ୭୧ ତମ ବିଶ୍ବ ସୁନ୍ଦରୀ ପ୍ରତିଯୋଗିତାରେ ତାଙ୍କ ପ୍ରଭାବଶାଳୀ ଯୋଗଦାନ ପାଇଁ ମାନବବାଦୀ ପୁରସ୍କାରରେ ସମ୍ମାନିତ କରାଯାଇଛି । ମିସ ଓ୍ବର୍ଲ୍ଡର ଅଧ୍ୟକ୍ଷ ଜୁଲିୟା ମୋର୍ଲେ ତାଙ୍କୁ ଏହି ପୁରସ୍କାର ପ୍ରଦାନ କରିଛନ୍ତି । ମୋର୍ଲେ ନୀତା ଅମ୍ବାନୀଙ୍କ ପାଇଁ କହିଥିଲେ କି ତାଙ୍କୁ କେବଳ ଭାରତ ନୁହେଁ ବରଂ ସାରା ବିଶ୍ବ ଚିହ୍ନେ । ତାଙ୍କୁ ତାଙ୍କ ବିଶାଳ ହୃଦୟ ଏବଂ ଅନ୍ୟମାନଙ୍କ ପ୍ରତି ଉଦାର ମନୋଭାବ ଯୋଗୁଁ ସମ୍ମାନିତ କରାଯାଉଛି । ଯେତେବେଳେ ବି ଦରକାର ପଡେ ନୀତା ସାହାଯ୍ୟ କରିବାକୁ ଆଗେଇ ଆସନ୍ତି ବୋଲି ମୋର୍ଲେ ମଞ୍ଚ ଉପରେ କହିଥିଲେ । ଏହି ଅବସରରେ ନୀତା ଅମ୍ବାନୀ ସମସ୍ତଙ୍କୁ ଧନ୍ୟବାଦ ଜଣାଇଥିଲେ ।
Comments are closed.