ନୀଳଗିରି : ତୃତୀୟ ଶ୍ରୀକ୍ଷେତ୍ର କୁହାଯାଉଥିବା ବାଲେଶ୍ଵର ଜିଲ୍ଲାର ନୀଳଗିରି ଜଗନ୍ନାଥ ମନ୍ଦିରରେ ରବିବାର ସନ୍ଧ୍ୟାରେ ଜେଉଡ଼ ଭୋଗ ଲାଗି ହୋଇ ଗର୍ଭଉଦକ ବନ୍ଦାପନା କରାଯାଇଛି । ମା ଦେବକୀଙ୍କୁ ଗର୍ଭ କଷ୍ଟ ନହେବା ପାଇଁ ମହାପ୍ରଭୁଙ୍କ ଠାରେ ଏହି ଭୋଗ ଲାଗି ହେବା ସହ ବନ୍ଦାପନା ନୀତି ହୋଇଛି । ମହାପ୍ରଭୁ ହେଉଛନ୍ତି ଅବତାରୀ, ତାଙ୍କ ଠାରୁ ସମସ୍ତ ଅବତାର ସୃଷ୍ଟି । ଏହି ଭୋଗରେ ପଖାଳ, ଖଟା, ମିଠା, ପିଠା, ବିଭିନ୍ନ ପ୍ରକାର ତିଅଣ, ଅନ୍ନ ଆଦି ଅର୍ପଣ କରା ଯାଇଛି। ସନ୍ଧ୍ୟା ଧୂପ ପରେ ଏହି ନୀତି ଅନୁଷ୍ଠିତ ହୋଇଥିଲା । ଜନ୍ମାଷ୍ଟମୀର ପୂର୍ବଦିନ ଏହି ନୀତି ଅନୁଷ୍ଠିତ ହୋଇଥାଏ । ଦେବୋତ୍ତର ବିଭାଗ ଅଧୀନ ଠାକୁରମାହାଲ କାର୍ଯାଳୟର କର୍ମଚାରୀ, ମନ୍ଦିର ସେବାୟତ ଓ ପୂଜକମାନେ ଏହି ନୀତିରେ ସହଯୋଗ କରିଥିଲେ। ଏହି ଉପଲକ୍ଷେ ରାତିରେ ଭକ୍ତଙ୍କୁ ପ୍ରସାଦ ବଣ୍ଟନ କରାଯାଇଥିଲା।
Popular Categories
Previous article
Next article