ନୀଳଗିରି: ନୀଳଗିରି ବ୍ଲକ ମିତ୍ରପୁର ସ୍ଥିତ ସ୍ୱର୍ଣ୍ଣଚୂଡ଼ ମହାବିଦ୍ୟାଳୟରେ ବାଳିକା ଆତ୍ମରକ୍ଷା ତାଲିମ ଶିବିର ଅନୁଷ୍ଠିତ ହୋଇଯାଇଛି । ଏହି ଅବସରରେ ମହାବିଦ୍ୟାଳୟ ଅଧ୍ୟକ୍ଷ ଡ. ଗିରିଶ କିଙ୍କର ମଲିକ ଶିବିରକୁ ଉଦଘାଟନ କରି ସମ୍ପ୍ରତି ସମାଜରେ ଛାତ୍ରୀଙ୍କ ପ୍ରତି ଘଟୁଥିବା ଅତ୍ୟାଚାର ଓ ଅସଦାଚରଣକୁ ରୋକିବା ପାଇଁ ଏହି ଆତ୍ମରକ୍ଷା କୌଶଳ ଏକ ସୁରକ୍ଷା କବଚ ହୋଇ ଉଭା ହେବ ବୋଲି କହିଥିଲେ । କାର୍ଯ୍ୟକ୍ରମ ସଂଯୋଜିକା ତଥା ଅଧ୍ୟାପିକା ଉକ୍ରର୍ଷା ଦାସ ଶିବିରର ଉପାଦେୟତା କହିଥିଲେ । ପ୍ରଶିକ୍ଷିକା ସୁଦେଷ୍ଣା ଖଟୁଆ ସାମ୍ପ୍ରତିକ ସମାଜରେ ଛାତ୍ରୀ ଆତ୍ମସୁରକ୍ଷା ପ୍ରଶିକ୍ଷଣର ଗୁରୁତ୍ୱ ଉପସ୍ଥାପନ କରିଥିଲେ । ଅଧ୍ୟାପିକା ଡ. ନବନୀତା ଦାସ ଓ ଡ. ମଧୁଛନ୍ଦା ନାୟକ କାର୍ଯ୍ୟକ୍ରମରେ ସହଯୋଗ କରିଥିଲେ ।
Comments are closed.