ଜାନୁଆରୀ ୨୨କୁ ସଭିଁଙ୍କ ଅପେକ୍ଷା ; ସୁର ସାମ୍ରାଜ୍ଞୀଙ୍କୁ ମନେ ପକାଇଲେ ପ୍ରଧାନମନ୍ତ୍ରୀ

ନୂଆଦିଲ୍ଲୀ : ଜାନୁଆରୀ ୨୨କୁ ସଭିଏଁ ବେଶ ଉତ୍ସାହର ସହ ଅପେକ୍ଷା କରିଛନ୍ତି। ଅଯୋଧ୍ୟାରେ ରାମ ମନ୍ଦିର ପ୍ରାଣ ପ୍ରତିଷ୍ଠା ପାଇଁ ସମସ୍ତେ ହର୍ସ ଉଲ୍ଲାସର ସହ ଅପେକ୍ଷା କରି ରହିଛନ୍ତି। ଘରେ ଘରେ ଜୟ ଶ୍ରୀରାମ ଶୁଣିବାକୁ ମିଳୁଛି। ପ୍ରତ୍ୟେକ ଭାରତୀୟ ଦୀପ ଜଳାଇ ଭଗବାନ ରାମଙ୍କର ସ୍ୱାଗତ କରିବା ପାଇଁ ପ୍ରସ୍ତୁତ ରହିଛନ୍ତି। ଅଯୋଧ୍ୟାରେ ରାମ ମନ୍ଦିର ପ୍ରାଣ ପ୍ରତିଷ୍ଠା ପୂର୍ବରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଟ୍ୱିଟରରେ ଏକ ପୋଷ୍ଟ ସେୟାର କରି ସୁର ସାମ୍ରାଜ୍ଞୀ ଲତା ମଙ୍ଗେସକରଙ୍କୁ ମନେ ପକାଇଛନ୍ତି।

As the nation awaits 22nd January with great enthusiasm, one of the people who will be missed is our beloved Lata Didi.

Here is a Shlok she sung. Her family told me that it was the last Shlok she recorded. #ShriRamBhajanhttps://t.co/MHlliiABVX

— Narendra Modi (@narendramodi) January 17, 2024

ପ୍ରାଣ ପ୍ରତିଷ୍ଠା ପୂର୍ବରୁ ପ୍ରଧାନମନ୍ତ୍ରୀ ଲତା ମଙ୍ଗେସକରଙ୍କୁ ମନେ ପକାଇ କହିଛନ୍ତି, ସାରା ଦେଶ ଖୁବ୍‌‌ ଉତ୍ସାହର ସହ ୨୨ ଜାନୁଆରୀକୁ ଅପେକ୍ଷା କରିଛି। ଏହା ମଧ୍ୟରେ ଅନେକ ମହାନ ଓ ସ୍ମରଣୀୟଙ୍କ ଅନୁପସ୍ଥିତି କଷ୍ଟ ଦେବ ସେମାନଙ୍କ ମଧ୍ୟରୁ ଲତା ଦିଦି ଜଣେ। ଲତା ମଙ୍ଗେସକର ଗାଇଥିବା ଏକ ଶ୍ଲୋକ ମଧ୍ୟ ପ୍ରଧାନମନ୍ତ୍ରୀ ଶେୟାର କରିଛନ୍ତି। ଲତା ଦିଦିଙ୍କ ପରିବାର ଲୋକଙ୍କ ଅନୁଯାୟୀ, ଏହି ଶ୍ଲୋକ ତାଙ୍କ ଦ୍ୱାରା ରେକର୍ଡ କରାଯାଇଥିବା ଶେଷ ଶ୍ଲୋକ ବୋଲି ପ୍ରଧାନମନ୍ତ୍ରୀ କହିଛନ୍ତି।