ଗୋପାଳପୁର: ବ୍ରହ୍ମପୁର ବିଶ୍ୱବିଦ୍ୟାଳୟ ଏବଂ ଓଡ଼ିଶା ପରିବେଶ ସମାଜର ମିଳିତ ତତ୍ତ୍ୱାବଧାନରେ ଆୟୋଜିତ ହୋଇଥିବା ୨୪ତମ ଓଡ଼ିଶା ବିଜ୍ଞାନ ‘ଓ’ ପରିବେଶ କଂଗ୍ରେସ ସମାରୋହ ଉଦଯାପିତ ହୋଇ ଯାଇଛି। ବିଶ୍ଵବିଦ୍ୟାଳୟର କୁଳପତି ପ୍ରଫେସର ଗୀତାଞ୍ଜଳି ଦାସଙ୍କ ଅଧ୍ୟକ୍ଷତାରେ ଆୟୋଜିତ ଏହି ସମାରୋହର ମୁଖ୍ୟ ଅତିଥି ଭାବେ ଉତ୍କଳ ବିଶ୍ଵବିଦ୍ୟାଳୟର କୁଳପତି ପ୍ରଫେସର ସବିତା ଆଚାର୍ଯ୍ୟ, ସମ୍ମାନିତ ଅତିଥି ଭାବେ ଆଇଜର ପରିଚାଳକ ପ୍ରଫେସର ଅଶୋକ କୁମାର ଗାଙ୍ଗୁଲି, ଅତିଥି ଥିଲେ। ଏହି ଅବସରରେ ଅତିଥି ମାନଙ୍କ ଦ୍ବାରା ବ୍ରହ୍ମପୁର ଘୋଷଣାନାମା ଉନ୍ମୋଚନ କରାଯାଇଥିଲା। ଘୋଷଣାନାମାରେ ବର୍ତ୍ତମାନର ସମସ୍ୟା ଏବଂ ଏଥି ପାଇଁ ପୁଙ୍ଖାନୁପୁଙ୍ଖ ଚିହ୍ନଟ ମାଧ୍ୟମରେ ବିକଶିତ ରଣନୀତିକ କାର୍ଯ୍ୟ ଯୋଜନାଗୁଡ଼ିକୁ ଉଲ୍ଲେଖ କରାଯାଇଛି। ଏଥିସହ ବ୍ରହ୍ମପୁର ବିଶ୍ୱବିଦ୍ୟାଳୟ ଏବଂ ୱାଇଲ୍ଡ ଲାଇଫ୍ ଟ୍ରଷ୍ଟ ଅଫ୍ ଇଣ୍ଡିଆ, ଦେହରାଡୁନ୍ ମଧ୍ୟରେ ଏକ ଗୁରୁତ୍ୱପୂର୍ଣ୍ଣ ସ୍ମାରକପତ୍ର ସ୍ୱାକ୍ଷରିତ ହୋଇଥିଲା। ଏହି ଅବସରରେ ଶ୍ରେଷ୍ଠ ୨୪ ଜଣ ଉଲ୍ଲେଖନୀୟ ଉପସ୍ଥାପକ ଉପସ୍ଥାପିକାଙ୍କୁ ଶ୍ରେଷ୍ଠ ଉପସ୍ଥାପନା ନିମନ୍ତେ ପୁରସ୍କାରରେ ସମ୍ମାନିତ କରିଥିଲେ।
Popular Categories
Previous article
Next article