କେଶଦୁରାପାଳ: ୪ ଘଣ୍ଟା ଅପେକ୍ଷା କରି ଶେଷରେ ଆଖି ବୁଜିଲେ ବୃଦ୍ଧା, ମିଳିଲାନି ଆମ୍ବୁଲାନ୍ସ ସେବା। ରୋଗରେ ପୀଡିତ ହୋଇ କଟକ ସ୍ଥାନାନ୍ତର ହୋଇଥିବା ଜଣେ ବୃଦ୍ଧ ଆମ୍ବୁଲାନ୍ସ ପାଇଁ ଦୀର୍ଘ ୪ ଘଣ୍ଟା ଅପେକ୍ଷା କରି କରି ଶେଷରେ ମୃତ୍ୟୁବରଣ କରିଛନ୍ତି। ଏଭଳି ଦୁଃଖଦ ଘଟଣା ଘଟିଛି ଆନନ୍ଦପୁର ଉପଖଣ୍ଡ ଚିକିତ୍ସାଳୟରେ। ସୂଚନାରୁ ପ୍ରକାଶ ଯେ ରାମଚନ୍ଦ୍ରପୁର ଥାନା ଅନ୍ତର୍ଗତ ବାମ୍ଫିଡି ଗ୍ରାମର ବାଜିଆ ପାତ୍ର ଅସୁସ୍ଥ ହୋଇ ପଡିଥିଲେ। ପରିବାର ଲୋକେ ବାଜିଆଙ୍କୁ ଆନନ୍ଦପୁର ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରିଥିଲେ। ଡାକ୍ତର ତାଙ୍କୁ ପ୍ରାଥମିକ ଚିକିତ୍ସା ପରେ କଟକ ସ୍ଥାନାନ୍ତର କରିଥିଲେ। ସେମାନେ ଗରିବ ହୋଇଥିବାରୁ ପରିବାର ଲୋକେ ଆମ୍ବୁଲାନ୍ସରେ ସ୍ଥାନାନ୍ତର ପାଇଁ ସ୍ୱାସ୍ଥ୍ୟମିତ୍ରଙ୍କ ପାଖକୁ ବାରମ୍ବାର ଯାଇଥିଲେ। କିନ୍ତୁ ଆମ୍ବୁଲାନ୍ସ ଯୋଗାଡ ହୋଇ ପାରୁନଥିବା କାରଣରୁ ପରିବାର ଲୋକଙ୍କୁ ଅନ୍ୟ ଭଡ଼ା ଗାଡ଼ିରେ ନେବା ପାଇଁ କହିଥିଲେ। ଶେଷରେ ଆମ୍ବୁଲାନ୍ସ ନପାଇ ପାଖାପାଖି ୫ ଘଣ୍ଟା ପରେ ବୃଦ୍ଧଙ୍କର ମୃତ୍ୟୁ ହୋଇଥିଲା ଯାହାକୁ ନେଇ ଉପଖଣ୍ଡ ଚିକିତ୍ସାଳୟରେ କିଛି ସମୟ ପାଇଁ ଉତ୍ତେଜନା ପ୍ରକାଶ ପାଇଥିଲା।
Popular Categories
Previous article
Next article