ସମ୍ବଲପୁର: ସମ୍ବଲପୁରରେ ସ୍ଥିତ ସ୍ୱତନ୍ତ୍ର ପୋକ୍ସୋ ଫାଷ୍ଟ ଅଦାଲତ ଦ୍ୱାରା ନାବାଳିକା ଦୁର୍ଷ୍କମର ୨୦୧୭ ମସିହାରେ ଏକ ମାମଲାର ଶୁଣାଣି କରି ଦୋଷୀଙ୍କୁ ୧୦ ବର୍ଷର ସଶ୍ରମ କାରାଦଣ୍ଡ ପ୍ରଦାନ କରିଛନ୍ତି। ପ୍ରାପ୍ତ ସୂଚନାନୂଯାୟୀ, ସମ୍ବଲପୁର ଜିଲା ଧନୁପାଲି ଥାନା ଅର୍ନ୍ତଗତ ତୁରୀପଡ଼ା ଅଞ୍ଚଳର ଅଞ୍ଚଳର ରାମ ପ୍ରସାଦ ଲୁହା ସେହି ଅଞ୍ଚଳର ଜଣେ ୫ ବର୍ଷିୟ ନାବାଳିକାଙ୍କୁ ୧୪ ଅକ୍ଟୋବର ୨୦୧୭ ମସିହାରେ ଦୁର୍ଷ୍କମ ଉଦ୍ୟମ କରିଥିଲେ। ନାବାଳିକା ଘର ପାଖରେ ଖେଳୁଥିବା ବେଳେ ତାଙ୍କୁ ଘରକୁ ଡାକି ଦୁର୍ଷ୍କମ ଉଦ୍ୟମ କରିଥିଲେ। ତେବେ ପିଡିତା କୌଣସି ମତେ ଘରକୁ ଫେରି ଆସି ସମସ୍ତ ବିଷୟ ତାଙ୍କର ବାପାଙ୍କୁ କହିବାରୁ ଧନୁପାଲି ଥାନାରେ ଅଭିଯୋଗ କରାଯାଇଥିଲା।
ପୁଲିସ ମାମଲା ସଂଖ୍ୟା ୪୭୨/୨୦୧୭ ରୁଜୁ କରି ଅଭିଯୁକ୍ତ ରାମ ପ୍ରସାଦ ଲୁହାଙ୍କୁ ଗିରଫ କରି ଅଦାଲତକୁ ଚାଲାଣ କରିଥିବା ବେଳେ ସେହି ଦିନ ଠାରୁ ସ୍ୱତନ୍ତ୍ର ଅଦାଲତ ଦ୍ୱାରା ଏହି ମାମଲାର ଶୁଣାଣି ଚାଲିଥିଲା। ମଙ୍ଗଳବାର ମାନ୍ୟବର ସ୍ୱତନ୍ତ୍ର ବିଚାରପତି ପି.କେ. ଦାଶ ୧୦ ଜଣ ସାକ୍ଷୀ ଓ ୩୪ଟି ଦସ୍ତାବେଜ ଅନୁଧ୍ୟାନ କରିବା ପରେ ଅଭିଯୁକ୍ତ ରାମ ପ୍ରସାଦ ଲୁହ ଙ୍କୁ ଆଇପିସିର ଧାରା ୩୭୬ (୩) ଓ ପୋକ୍ସସୋ ଆଇନ ଅନୁଯାୟୀ ଦୋଷୀ ସାବ୍ୟସ୍ତ କରି ୧୦ ବର୍ଷ ସଶ୍ରମ କାରାଦଣ୍ଡ ଓ ୧୦ ହଜାର ଟଙ୍କା ଜରିମାନା କରିଛନ୍ତି। ଜରିମାନା ଅନାଦେୟ ହେଲେ ଏକ ବର୍ଷ ସଶ୍ରମ ଅତିରିକ୍ତ କାରାଦଣ୍ଡର ଆଦେଶ ଦିଆଯାଇଛି। ଏଥି ସହ ପିଡିତାଙ୍କୁ ୫ ଲକ୍ଷ ଟଙ୍କାର କ୍ଷତିପୂରଣ ରାଶି ପ୍ରଦାନ କରିବାକୁ ଅଦାଲତ ନିର୍ଦ୍ଦେଶ ଦେଇଛନ୍ତି।
Comments are closed.