ନ୍ୟୁୟର୍କ- ନାସା ମଙ୍ଗଳରେ ଅନେକ ପରୀକ୍ଷଣ ଜାରି ରଖିଛି । ମିସନ୍ ମାର୍ସରେ ଏବେ ନାସା ଲକ୍ହୀଡ୍ ମାର୍ଟିନ୍ ସହ ମିଶି ପରମାଣୁ ଶକ୍ତି ଯୁକ୍ତ ରକେଟ ପ୍ରେରଣ କରିବ ବୋଲି ଯୋଜନା କରିଛି । ଏହି ରକେଟ୍ରେ ମହାକାଶଚାରୀଙ୍କୁ ମଙ୍ଗଳଗ୍ରହଙ୍କୁ ପ୍ରେରଣ କରାଯିବ ।
ଲକ୍ହୀଡ୍ ପକ୍ଷରୁ ରକେଟ୍ର ଡିଜାଇନ୍ ସହ ଟେଷ୍ଟ ପ୍ରପଲସନ୍ ପ୍ରସ୍ତୁତ କରାଯାଇଛି । ପରମାଣୁ ଶକ୍ତି ଯୁକ୍ତ ମିସନ୍ର ନାମ ଡ୍ରାକୋ ରଖାଯାଇଛି । ଏଥିରେ ୪୯୯ ମିଲିୟନ ଆମେରିକୀୟ ଡଲାର ବା ପ୍ରାୟ ୩,୬୯୦ କୋଟି ଟଙ୍କା ଖର୍ଚ୍ଚ ହେବ ।
ପରମାଣୁ ଶକ୍ତି ଯୁକ୍ତ ରକେଟ୍ରେ କମ୍ ସମୟ ମଧ୍ୟରେ ମଙ୍ଗଳଗ୍ରହରେ ପହଞ୍ଚି ହେବ । ୨୦୩୦ ଦଶକର ଶେଷ କିମ୍ବା ୨୦୪୦ ଦଶକର ଆରମ୍ଭରେ ନାସା ମଙ୍ଗଳଗ୍ରହକୁ ମାନବ ବା ମହାକାଶଚାରୀ ପ୍ରେରଣ କରିବା ପାଇଁ ଲକ୍ଷ୍ୟ ରଖିଛି ।
ଏବେ ରକେଟ୍ ମଙ୍ଗଳଗ୍ରହକୁ ଯିବା ପାଇଁ ପ୍ରାୟ ୭ମାସ ସମୟ ନେଉଛି । ପୃଥିବୀଠାରୁ ମଙ୍ଗଳର ଦୂରତ୍ୱ ପ୍ରାୟ ୩୦୦ ମିଲିୟନ୍ ମାଇଲ୍ ବା ୪୮୦ ମିଲିୟନ କିଲୋମିଟର ।
Comments are closed.