ଭୁବନେଶ୍ୱର: ବିଜେପୁର ବିଧାନସଭା ଆସନରେ ଉପ ନିର୍ବାଚନ ପାଇଁ ରାଜନୈତିକ ଦଳଗୁଡ଼ିକ ପ୍ରସ୍ତୁତି ଆରମ୍ଭ କଲେଣି। ବିଜେପୁର ବିଧାନସଭା ଆସନ ପାଇଁ ବିଜୁ ଜନତା ଦଳ ସଭାପତି ନବୀନ ପଟ୍ଟନାୟକ ଆଜି ଏକ ଚାରିଜଣିଆ ନିର୍ବାଚନ ସମନ୍ବୟ କମିଟି ଗଠନ କରିଛନ୍ତି। କମିଟିରେ ଦଳର ବରିଷ୍ଠ ନେତା ତଥା ମନ୍ତ୍ରୀ ନିରଞ୍ଜନ ପୂଜାରୀ, ସୁଶାନ୍ତ ସିଂହ, ପୂର୍ବତନ ସାଂସଦ କଳିକେଶ ନାରାୟଣ ସିଂହଦେଓ ଏବଂ ପୂର୍ବତନ ମନ୍ତ୍ରୀ ସଞ୍ଜୟକୁମାର ଦାସବର୍ମା ରହିଛନ୍ତି। ଗତ ସାଧାରଣ ନିର୍ବାଚନରେ ଦଳ ସଭାପତି ଶ୍ରୀ ପଟ୍ଟନାୟକ ବିଜେପୁର ଓ ହିଞ୍ଜିଳି ଦୁଇଟି ବିଧାନସଭା ଆସନରୁ ନିର୍ବାଚିତ ହୋଇଥିଲେ। ଗତ ଜୁନ ମାସ ୨ ତାରିଖରେ ସେ ବିଜେପୁର ଆସନ ଛାଡ଼ିବା ଯୋଗୁଁ ଏହି ଆସନ ଖାଲି ରହିଛି। ସେଠାରେ ଉପ ନିର୍ବାଚନ ଅନୁଷ୍ଠିତ ହେବ। ତେବେ ନିର୍ବାଚନ କମିଶନର ଏପର୍ଯ୍ୟନ୍ତ ଉପ ନିର୍ବାଚନ ପାଇଁ ତାରିଖ ଘୋଷଣା କରିନାହାନ୍ତି। ଏହି ଆସନ ଖାଲି ହେବାର ୬ମାସ ମଧ୍ୟରେ ନିର୍ବାଚନ କରାଯିବ।
Popular Categories
Previous article
Next article