ମୁମ୍ବଇ: ଜି.ଆର୍. ଛିନ୍ତାଲା ଜାତୀୟ କୃଷି ଏବଂ ଗ୍ରାମୀଣ ବିକାଶ ବ୍ୟାଙ୍କ (ନାବାର୍ଡ) ଅଧ୍ୟକ୍ଷ ଭାବେ ନିଯୁକ୍ତ ହୋଇଛନ୍ତି । ଏହାପୂର୍ବରୁ ସେ ନାବାର୍ଡର ସହଯୋଗୀ ସଂସ୍ଥା ନାବ୍ଫିନ୍ର ପରିଚାଳନା ନିର୍ଦେଶକ ରହିଥିଲେ । ନୂଆଦିଲ୍ଲୀସ୍ଥିତ ଭାରତୀୟ କୃଷି ଗବେଷଣା ପ୍ରତିଷ୍ଠାନର ଜଣେ ସ୍ନାତୋକୋତ୍ତର ଭାବେ ଶ୍ରୀ ଛିନ୍ତାଲା ପ୍ରଥମେ ନାବାର୍ଡରେ ଜଣେ ଅଧିକାରୀ ଭାବେ ଯୋଗଦେଇଥିଲେ । ସେ ନାବାର୍ଡର ମୁଖ୍ୟାଳୟ ମୁମ୍ବଇ ସମେତ ହାଇଦ୍ରାବାଦ, ଚଣ୍ଡିଗଡ, ଲକ୍ଷ୍ନୌ, ଆଣ୍ଡାମାନ ନିକୋବର ଦୀପପୁଞ୍ଜ, ନୂଆଦିଲ୍ଲୀ ଏବଂ ବେଙ୍ଗାଲୁରୁଠାରେ ବିଭିନ୍ନ ପଦପଦବୀରେ କାର୍ଯ୍ୟ କରିଛନ୍ତି । ଏହାଛଡା ଛିନ୍ତାଲା ହାଇଦ୍ରାବାଦ ସ୍ଥିତ ଏଗ୍ରି ବିଜ୍ନେସ୍ ଫାଇନାନ୍ସ ଲିମିଟେଡ୍ ଉପସଭାପତି ଏବଂ ଲକ୍ଷ୍ନୌସ୍ଥିତ ବ୍ୟାଙ୍କର୍ସ ଇନ୍ଷ୍ଟିଚ୍ୟୁଟ୍ ଅଫ୍ ରୁରାଲ ଡେଭଲପମେଣ୍ଟ (ବାର୍ଡ) ନିର୍ଦେଶକ ଭାବେ କାର୍ଯ୍ୟ କରିଛନ୍ତି ।
Popular Categories
Previous article
Next article