ନବରଙ୍ଗପୁର: ହିନ୍ଦୀ ସିନେମା ନିର୍ଦ୍ଦେଶକ ରାମ ଗୋପାଳ ବର୍ମାଙ୍କ ବିରୋଧରେ ବିଜେପି ନେତା ଗୈାରୀଶଙ୍କର ମାଝୀ ନବରଙ୍ଗପୁର ଥାନାରେ ଏତଲା ଦେଇଛନ୍ତି । ଶ୍ରୀବର୍ମା ଏନଡିଏର ରାଷ୍ଟ୍ରପତି ପ୍ରାର୍ଥୀ ଦୈାପଦୀ ମୁର୍ମୁଙ୍କର ଉପରେ ଏକ ଟିଟ୍ୱ କରି ଆଦିବାସୀଙ୍କୁ ନିମ୍ନ ଚକ୍ଷୁରେ ଦେଖୁଛନ୍ତି । ତାଙ୍କର ଏପ୍ରକର ବୟାନ ସମଗ୍ର ଆଦିବାସୀ ସମାଜକୁ ଅପମାନିତ କରିଛି । ସେ ଜାତିଆଣ ମନୋବୃତି ରଖି ଏପ୍ରକାର ବୟାନ ଦେଇଛନ୍ତି । ଜଣେ ଆଦିବାସୀ ହୋଇଥିବାରୁ ଶ୍ରୀ ବର୍ମାଙ୍କର ଏଭଳି ବୟାନରେ ସେ ମର୍ମାହତ । ଶ୍ରୀମତି ମୁର୍ମୁ ରାଷ୍ଟ୍ରପତି ପ୍ରାର୍ଥୀ ହୋଇଥିବାରୁ ସେ ଏହାକୁ ସହ୍ୟନକରିପାରି ଏପ୍ରକାର ମନ୍ତବ୍ୟ ଦେଇଛନ୍ତି ।
ଆଦିବାସୀ ମାନଙ୍କୁ ନିମ୍ନ ଆଖିରେ ଦେଖୁଥିବାରୁ ସାମାଜିକ ଗଣ ମାଧ୍ୟମରେ ଟିଟ୍ୱରର ଅପବ୍ୟବହର କରି ଏପ୍ରକାର ବୟାନ ଦେଇଥିବାରୁ ତାଙ୍କର ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଏତଲାରେ ଶ୍ରୀ ମାଝୀ ଉଲ୍ଲେଖ କରିଛନ୍ତି । ସେ ଥାନା ଅଧିକାରୀ ତାରିକ ଅହମ୍ମଦଙ୍କୁ ଭେଟି ଏହି ଏତଲା ଦେଇଛନ୍ତି । ଅନ୍ୟମାନଙ୍କର ମଧ୍ୟରେ ଶର୍ମିଷ୍ଠା ଦେଓ, ମିନତି ପଟ୍ଟନାୟକ, ନୀଳକଣ୍ଠ ଖମାରୀ, ସୁନୀତା ପାଢୀ, ଦେବଦାସ ମହାଙ୍କୁଡ, ସୁବ୍ରତ ମିଶ୍ର , ମାନସ ତ୍ରିପାଠୀ, ବନ୍ଦିତା ମଲ୍ଲିକ ପ୍ରମୁଖ ଉପସ୍ଥିତ ଥିଲେ ।
Comments are closed.