ମୋତି ଏକ ରତ୍ନ ଅଟେ। କିନ୍ତୁ ଏହା ପ୍ରକୃତରେ ଏକ ଜୈବିକ ସଂରଚନା ଅଟେ। ଏହା ସତ୍ତ୍ବେ ମୋତିକୁ ନବରତ୍ନ ଶ୍ରେଣୀରେ ରଖାଯାଇଛି। ଚନ୍ଦ୍ରମା ପରି ମୋତିର ରଙ୍ଗ ହୋଇଥିବାରୁ ଏହା ଶାନ୍ଦ, ସୁନ୍ଦର ଓ ଶୀତଳ ଅଟେ। ଏହାର ପ୍ରଭାବ ସିଧା ସଳଖ ଆମ ଶରୀର ଓ ମନ ଉପରେ ପଡିଥାଏ। ମୋତିର ପ୍ରଭାବ ଶୀଘ୍ର ଆମ ଉପରେ ପଡି ନଥାଏ। ଏହାର ପ୍ରଭାବ ଧୀରେ ଧୀରେ କାର୍ଯ୍ୟ କରିଥାଏ। ମୋତି ଉଭୟ ଲାଭ ଓ କ୍ଷତି କରିଥାଏ।
ମୋତି ଧାରଣ କରିବାର ଲାଭ :
ଏହା ମନକୁ ଶାନ୍ତ କରିବା ସହ ଚିନ୍ତାରୁ ମୁକ୍ତି ଦେଇଥାଏ।
ମନରୁ ଭୟ ଦୂର କରିଥାଏ। ସୁନିଦ୍ରାରେ ସାହାର୍ଯ୍ୟ କରିଥାଏ।
ହର୍ମୋନକୁ ସନ୍ତୁଳିତ କରିଥାଏ।
ଆର୍ଥିକ ସମସ୍ୟାକୁ ଦୂର କରିଥାଏ।
ମୋତି ଧାରଣ କରିବା ଡାକ୍ତରମାନଙ୍କ ପାଇଁ ଉତ୍ତମ ଅଟେ।
ମୋତି ଧାରଣ ଦ୍ୱାରା କ୍ଷତିର କାରଣ :
ମୋତି ଧାରଣ କରିବା ବେଳେ ସର୍ବଦା ସାବଧାନ ରହିବା ଆବଶ୍ୟକ ଅଟେ। କାରଣ ଏହା ମାନସିକ ସ୍ଥିତିକୁ ଧୀରେ ଧୀରେ ପ୍ରଭାବିତ କରିଥାଏ। ଏହା ଗମ୍ଭୀର ଭାବେ ଅବସାଦ ଓ ଚିନ୍ତା ପରି ସମସ୍ୟା ସୃଷ୍ଟି କରିପାରେ। ବେଳେବେଳେ ରକ୍ତଚାପ ବଢାଇ ଦେଇଥାଏ।
କେଉଁ ରାଶିର ବ୍ୟକ୍ତି ମୋତି ଧାରଣ କରିବା ଉଚିତ :
ଭିନ୍ନ ଭିନ୍ନ ରାଶିର ବ୍ୟକ୍ତିଙ୍କ ପାଇଁ ଅଲଗା ପ୍ରକାର ତତ୍ତ୍ୱରେ ମୋତି ଧାରଣ କରିବା ଉଚିତ।
ମେଷ, କର୍କଟ, ବିଛା ଓ ମୀନ ଲଗ୍ନ ଥିବା ବ୍ୟକ୍ତିମାନେ ମୋତି ଧାରଣ କରିବା ଉତ୍ତମ ଅଟେ।
ବୃଷ, ମିଥୁନ, କନ୍ୟା, ମକର ଓ କୁମ୍ଭ ଲଗ୍ନର ବ୍ୟକ୍ତି ମୋତି ଧାରଣ କରିବା ଉଚିତ ନୁହେଁ। ଏହାଦ୍ୱାରା ଅନେକ ଅସୁବିଧାର ସମ୍ମୁଖୀନ ହେବାକୁ ପଡିଥାଏ।
ସିଂହ, ତୁଳା ଓ ଧନୁ ଲଗ୍ନର ବ୍ୟକ୍ତିମାନେ ବିଶେଷ ଭାବେ ମୋତି ଧାରଣ କରି ପାରିବେ।
