କଲକାତା : ମାଆ ସବୁଠୁ ମଧୁର ଓ ସୁନ୍ଦର ତା’ ନାଁ। ଆଉ ମାଆର ସ୍ମୃତିକୁ ନିଜ ପାଖରେ ସାଇତି ରଖିବା ପାଇଁ ସମସ୍ତେ ଚେଷ୍ଟା କରିଥାନ୍ତି। କିନ୍ତୁ ଏକ ଅନନ୍ୟ ପ୍ରୟାସ କରିଛନ୍ତି ପଶ୍ଚିମ ବଙ୍ଗର ନିରଞ୍ଜନ ବର୍ମନ। ଏକ ଆମ୍ବ ଗଛର ଗଣ୍ଡିରେ ସେ ନିର୍ମାଣ କରିଛନ୍ତି ନିଜ ମାଆଙ୍କ ପ୍ରତିମୂର୍ତ୍ତି।
ଗତ ଅମ୍ପନ ବାତ୍ୟାରେ ତାଙ୍କ ମାଆ ଲଗାଇଥିବା ଏହି ପୁରୁଣା ଆମ୍ବ ଗଛଟି ଭାଙ୍ଗି ଯାଇଥିଲା। ତେବେ ସଂମ୍ପ୍ରତି ଲକଡାଉନ୍ ସମୟରେ ସେ ବହୁ ପରିଶ୍ରମ କରି ସେହି ଆମ୍ବ ଗଛ ଗଣ୍ଡିରେ ନିଜ ମାଆଙ୍କ କାଠ ପ୍ରତିମା ନିର୍ମାଣ କରିଛନ୍ତି। ଯାହା ଦେଖିବାକୁ ଖୁବ୍ ଜୀବନ୍ତ ଲାଗୁଛି। ଏହିଭଳି ଭାବରେ ସେ ନିଜର ମାଆଙ୍କୁ ସ୍ମୃତିକୁ ସାଇତି ରଖିବାକୁ ଚେଷ୍ଟା କରିଛନ୍ତି।
