ଡେସ୍କ: ନୌସେନା ମୁଖ୍ୟ ଆଡ଼ମିରାଲ ଆର. ହରି କୁମାର କହିଛନ୍ତି, ଭାରତୀୟ ନୌସେନାରେ ଏ ପର୍ଯ୍ୟନ୍ତ ୧ ହଜାରରୁ ଅଧିକ ମହିଳା ଅଗ୍ନିବୀରଙ୍କୁ ନିଯୁକ୍ତି ଦିଆଯାଇଛି। ନୌସେନା ଦିବସ ପୂର୍ବରୁ ଏକ ସାମ୍ବାଦିକ ସମ୍ମିଳନୀରେ ସେ ଅଗ୍ନିପଥ ଯୋଜନାକୁ ପ୍ରଶଂସା କରି କହିଛନ୍ତି ଯେ ସେନାରେ ଢାଞ୍ଚାଗତ ପରିବର୍ତ୍ତନ ପାଇଁ ଏହାର ଆବଶ୍ୟକତା ଥିଲା।
ସେ କହିଛନ୍ତି, ଚଳିତ ବର୍ଷ ମାର୍ଚ୍ଚରେ ଆଇଏନଏସ ଚିଲିକାରୁ ପ୍ରଥମ ବ୍ୟାଚ ଅଗ୍ନିବୀର ଉତ୍ତୀର୍ଣ୍ଣ ହୋଇଛନ୍ତି ଓ ସେମାନଙ୍କ ମଧ୍ୟରେ ୨୭୨ ଜଣ ମହିଳା ଅଗ୍ନିବୀର ଅଛନ୍ତି। ଦ୍ଵିତୀୟ ବ୍ୟାଚ ଅଗ୍ନିବୀରଙ୍କ ମଧ୍ୟରେ ୪୫୪ ଜଣ ମହିଳା ଥିବା ବେଳେ ତୃତୀୟ ବ୍ୟାଚ ଶେଷ ବେଳକୁ ମହିଳା ଅଗ୍ନିବୀରଙ୍କ ସଂଖ୍ୟା ୧ ହଜାର ଅତିକ୍ରମ କରିବ ବୋଲି ସେ କହିଛନ୍ତି। ଏହା ବ୍ୟତୀତ ନୌସେନାରେ ଜଣେ ମହିଳାଙ୍କୁ ପ୍ରଥମ ଥର ପାଇଁ କମାଣ୍ଡିଙ୍ଗ ଅଫିସର ଭାବେ ନିଯୁକ୍ତି ଦିଆଯାଇଥିବା ନୌସେନା ମୁଖ୍ୟ ଆଡ଼ମିରାଲ ଆର. ହରି କୁମାର କହିଛନ୍ତି।
Comments are closed.