ନୂଆଦିଲ୍ଲୀ : ବର୍ତ୍ତମାନ ସମୟରେ ଲୋକେ ସୋସିଆଲ ମିଡିଆରେ ବିଭିନ୍ନ ପ୍ରକାର ଭିଡିଓ କରି ପୋଷ୍ଟ କରୁଛନ୍ତି । ଏହା ଏବେ ଏକ ବଡ ନିଶା ମଧ୍ୟ ପାଲଟିଥିବା ଦେଖାଯାଉଛି । ଭିଡିଓ କରିବା ପାଇଁ ଲୋକେ ସ୍ଥାନ କାଳ ପାତ୍ର ମଧ୍ୟ ଚିନ୍ତା କରୁ ନାହାଁନ୍ତି । ଏଭଳି ବିପଦପୂର୍ଣ୍ଣ ସ୍ଥାନ ଠାରୁ ଆରମ୍ଭ କରି ଜଙ୍ଗଲୀ ଜନ୍ତୁଙ୍କ ସହ ମଧ୍ୟ ଭିଡିଓ କରି ପୋଷ୍ଟ କରୁଥିବା ଦେଖାଯାଉଛି । ନିକଟରେ ଦ୍ରୁତ ଗତିରେ ଭାଇରାଲ୍ ହେଉଥିବା ଏପରି ଏକ ଭିଡିଓ ଲୋକଙ୍କୁ ଆଶ୍ଚର୍ଯ୍ୟଚକିତ କରିବା ସହ ସଭିଁଙ୍କ ଧ୍ୟାନକୁ ଆକର୍ଷିତ କରୁଛି ।
୫୭ ବର୍ଷ ପରେ ୬ ଶକ୍ତିଶାଳୀ ଗ୍ରହଙ୍କ ବିଶେଷ ସଂଯୋଗ ; ଏହି ରାଶି ହେବେ ମାଲାମାଲ୍, ବଢିବ ଧନ,ବ୍ୟବସାୟ..
ଭିଡିଓରେ ଦେଖିପାରିବେ, ଜଣେ ଯୁବତୀ କିଛି ମାଙ୍କଡଙ୍କୁ ଖାଦ୍ୟ ଖୁଆଇବା ସହ ଭିଡିଓ କରୁଥିଲେ । ସେହି ସମୟରେ ହଠାତ୍ ଏକ ମାଙ୍କଡ ଯୁବତୀଙ୍କ ଉପରେ ଆକ୍ରମଣ କରିଥିଲା । ଯୁବତୀ ଜଣକ ଭୟଭୀତ ହେଉଥିବା ଦେଖାଯାଉଛି ।
ଯୁବତୀ ଜଣକ ୩ଟି ମାଙ୍କଡକୁ ଖାଦ୍ୟ ଖାଇବାକୁ ଦେଉଥିଲେ । ମାଙ୍କଡ ମଧ୍ୟ ଶାନ୍ତିପୂର୍ଣ୍ଣ ଭାବେ ଖାଦ୍ୟ ଖାଉଥିଲେ । ମାତ୍ର ଯୁବତୀ ଜଣକ ଗୋଟିଏ ମାଙ୍କଡକୁ ଆଉଁସିବା ଆରମ୍ଭ କରିଥିଲେ । ସେହି ସମୟରେ ମାଙ୍କଡ ତୁରନ୍ତ ଯୁବତୀଙ୍କ ଉପରେ ଆକ୍ରମଣ କରିଥିଲା । ଭିଡିଓକୁ ଏଯାଏଁ ୨୬ ମିଲିୟନରୁ ଅଧିକ ଲୋକେ ଦେଖିବା ସହ ନିଜର ଭିନ୍ନ ଭିନ୍ନ ମତ ଦେଇଛନ୍ତି ।
