ତିଆନଜିନ୍: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସୋମବାର ଚୀନର ତିଆନଜିନ୍ ଠାରେ ଅନୁଷ୍ଠିତ ସାଙ୍ଘାଇ ସମନ୍ବୟ ସଂଗଠନ(ଏସ୍ସିଓ) ଶିଖର ସମ୍ମିଳନୀ ଅବସରରେ ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ସହ ସାକ୍ଷାତ ଆଲୋଚନା କରିଛନ୍ତି। ଦୁଇ ନେତା ଆର୍ଥିକ, ବିତ୍ତୀୟ ଏବଂ ଶକ୍ତି କ୍ଷେତ୍ର ସମେତ ଦ୍ୱିପାକ୍ଷିକ ସହଯୋଗର ବିଭିନ୍ନ ପ୍ରସଙ୍ଗ ଉପରେ ଆଲୋଚନା କରିଛନ୍ତି। ଏହି କ୍ଷେତ୍ରଗୁଡ଼ିକରେ ଦ୍ୱିପାକ୍ଷିକ ସମ୍ପର୍କରେ ନିରନ୍ତର ଅଭିବୃଦ୍ଧି ଉପରେ ସେମାନେ ସନ୍ତୋଷ ପ୍ରକାଶ କରିଛନ୍ତି। ଦୁଇ ନେତା ୟୁକ୍ରେନ ସହ ଜଡ଼ିତ ସାମ୍ପ୍ରତିକ ଘଟଣାକ୍ରମ ସମେତ ଆଞ୍ଚଳିକ ଏବଂ ବିଶ୍ୱସ୍ତରୀୟ ପ୍ରସଙ୍ଗ ଉପରେ ମଧ୍ୟ ଆଲୋଚନା କରିଛନ୍ତି। ପ୍ରଧାନମନ୍ତ୍ରୀ ମୋଦୀ ୟୁକ୍ରେନ ବିରୋଧୀ ସଂଘର୍ଷର ସମାଧାନ ପାଇଁ ରୁଷ୍ ପକ୍ଷରୁ ନିଆଯାଇଥିବା ପଦକ୍ଷେପଗୁଡ଼ିକ ପ୍ରତି ସମର୍ଥନକୁ ଦୋହରାଇଥିଲେ। ଏଥିସହିତ ୟୁକ୍ରେନ ବିରୋଧୀ ଯୁଦ୍ଧର ଶୀଘ୍ର ଅନ୍ତ ଘଟାଇବା ପୂର୍ବକ ଦୀର୍ଘସ୍ଥାୟୀ ଶାନ୍ତି ପ୍ରତିଷ୍ଠା ଲାଗି ସମାଧାନର ବାଟ ଖୋଜିବା ଉପରେ ମୋଦୀ ଗୁରୁତ୍ୱାରୋପ କରିଥିଲେ। ମୋଦୀ କହିଥିଲେ ଯେ ମାନବ ସଭ୍ୟତା ରୁଷ୍-ୟୁକ୍ରେନ ଯୁଦ୍ଧର ଅନ୍ତ ଚାହେଁ। ଉଭୟ ନେତା ଦୁଇ ଦେଶ ମଧ୍ୟରେ ସ୍ୱତନ୍ତ୍ର ଏବଂ ସୁବିଧାଜନକ ରଣନୀତିକ ସହଭାଗିତାକୁ ଆହୁରି ସୁଦୃଢ଼ କରିବା ପାଇଁ ଦୁଇ ନେତା ପୁନର୍ବାର ଦୋହରାଇଛନ୍ତି। ଚଳିତ ବର୍ଷ ଶେଷରେ ହେବାକୁ ଥିବା ଭାରତ-ରୁଷ୍ ଶିଖର ସମ୍ମିଳନୀରେ ଯୋଗଦେବାକୁ ପୁଟିନ ଭାରତ ଆସୁଥିବାବେଳେ ତାଙ୍କୁ ସ୍ୱାଗତ ଲାଗି ସେ ଅପେକ୍ଷା କରି ରହିଥିବା ମୋଦୀ କହିଥିଲେ।
Popular Categories
Previous article
Next article