ଲକ୍ଷ୍ମୀପୁର: ମଙ୍ଗଳବାର କୋରାପୁଟ ଜିଲା ଲକ୍ଷ୍ମୀପୁର ବ୍ଲକର ମିଶନ ଶକ୍ତି ପକ୍ଷରୁ ଏକ କାର୍ଯକ୍ରମ ଅନୁଷ୍ଠିତ ହୋଇଯାଇଛି । ଏଥିରେ ବ୍ଲକର ବିଭିନ୍ନ ପଞ୍ଚାୟତରୁ ସ୍ବୟଂ ସହାୟକ ଗୋଷ୍ଠୀମାନେ ଯୋଗଦେଇଥିଲେ । ସରକାରଙ୍କ ପକ୍ଷରୁ ମିଶନ ଶକ୍ତି ମହିଳାଙ୍କୁ ସଶକ୍ତ କରିବା ପାଇ ପୁର୍ବରୁ ଅନେକ ଗୁଡ଼ିଏ ବ୍ୟବସ୍ଥା କରିଥିଲେ । ସେହିପରି ଗୋଷ୍ଠୀମାନଙ୍କୁ ବିଭିନ୍ନ ବ୍ୟବସାୟ କରିବା ପାଇଁ ଋଣ ଯୋଗାଇ ଦେଇଥିଲେ । ବର୍ତ୍ତମାନ ୧୦ ଲକ୍ଷ ଟଙ୍କା ପର୍ଯ୍ୟନ୍ତ ଋଣ ଦେବା ପାଇଁ ବ୍ୟବସ୍ଥା କରାଯାଇଥିବାବେଳେ ସେମାନେ ନେଇଥିବା ଋଣର ସୁଧ ଛାଡ଼ ଏବଂ ୟୁନିଫର୍ମ ଏବଂ ବ୍ଲେଜର ଦିଆଯିବା ପାଇଁ ବ୍ୟବସ୍ଥା ହୋଇଛି । ବ୍ଲକର ୨୪୧ ଟି ଗ୍ରୁପକୁ ସୁଧ ଛାଡ ବାବଦକୁ ସେମାନଙ୍କ ଖାତାକୁ ୨୨ ଲକ୍ଷ ୬୮ ହଜାର ଟଙ୍କା ପଠାଯାଇଛି ।
ଏହି ଅବସରରେ ଅନୁଷ୍ଠିତ କାର୍ଯ୍ୟକ୍ରମରେ ଅତିଥି ଭାବେ ଗୋଷ୍ଠୀ ଊନ୍ନୟନ ଅଧିକାରୀ ଗୁରେଶ୍ବର ଭୋଇ, ଅଧ୍ୟକ୍ଷା ସ୍ବାଇ କୁଲେସିକା, ଉପାଧ୍ୟକ୍ଷା ଆରତୀ କୁଲଦୀପ, ଶିଶୁ ବିକାଶ ଅଧିକାରୀ ପାର୍ବତୀ ଆଚାର୍ଯ୍ୟ ପ୍ରମୁଖ ଯୋଗଦେଇଥିଲେ । ସରକାର ଯେଉଁ ଯୋଜନାମାନ କରୁଛନ୍ତି, ସ୍ବୟଂ ସହାୟକ ଗୋଷ୍ଠୀମାନେ ତାହାର ସୁଫଳ ପ୍ରାପ୍ତ ହେବା ଆବଶ୍ୟକ ବୋଲି କହିବା ସହିତ ସମସ୍ତେ ମୁଖ୍ୟମନ୍ତ୍ରୀଙ୍କୁ ଏଥିପାଇଁ ଧନ୍ୟବାଦ ଜଣାଇଥିଲେ ।
