ବୃନ୍ଦାବନ : ରୁଷରେ ରାଷ୍ଟ୍ରପତି ନିର୍ବାଚନ ପାଇଁ ମତଦାନ ହେଉଥିବା ବେଳେ ବୃନ୍ଦାବନରେ ବାସ କରୁଥିବା ରୁଷ ନାଗରିକ ମାନଙ୍କ ପାଇଁ ରୁଷ ସରକାର ଦୂତାବାସ ମାଧ୍ୟମରେ ବୃନ୍ଦାବନର ରମଣରେତୀ କ୍ଷେତ୍ରରେ ସ୍ଥିତ ରୁଷ ବିଲ୍ଡିଂରେ ମତଦାନ କେନ୍ଦ୍ର କରିଛନ୍ତି। ଜିଲାରେ ବସବାସ କରୁଥିବା ଶହେ ରୁଷୀୟ ନାଗରିକଙ୍କ ମଧ୍ୟରୁ ୫୦ ଜଣ ମତଦାନ କରି ସାରିଛନ୍ତି।
ରୁଷରେ ରାଷ୍ଟ୍ରପତି ଚୟନ ପାଇଁ ସାରା ଦୁନିଆରେ ବସବାସ କରୁଥିବା ରୁଷୀୟ ନାଗରିକ ନିଜର ମତଦାନ ସାବ୍ୟସ୍ତ କରିବା ପାଇଁ ମତଦାନ ପ୍ରକ୍ରିୟାରେ ଭାଗ ନେଉଛନ୍ତି। ଦୂତାବାସରୁ ଦୁଇ ଅଧିକାରୀମାନଙ୍କ ଟିମ୍ ସକାଳେ ବୃନ୍ଦାବନ ସ୍ଥିତ ରଷିଆନ ବିଲ୍ଡିଂ ପହଞ୍ଚି ଥିଲେ। ଏଠାରେ ପୁଲିସର କଡା ସୁରକ୍ଷା ବ୍ୟବସ୍ଥା ମଧ୍ୟରେ ମତଦାନ କରିଛନ୍ତି। ମତଦାନ ପ୍ରକ୍ରିୟା ସକାଳ ୯ଟାରୁ ଆରମ୍ଭ ହୋଇ ୧୨ଟା ପର୍ଯ୍ୟନ୍ତ ଜାରି ରହିଥିଲା। ରୁଷର ଦୂତାବାସ ଦ୍ୱାରା ସ୍ଥାପିତ ହୋଇଥିବା ମତଦାନ କେନ୍ଦ୍ରରେ ରୁଷର ଯେଉଁ ନାଗରିକ ମାନେ ବୃନ୍ଦାବନରେ ରହୁଛନ୍ତି, ସେମାନେ ରାଷ୍ଟ୍ରପତି ଚୟନ ପାଇଁ ମତଦାନ କରିଛନ୍ତି।
