ନୂଆଦିଲ୍ଲୀ: କଠୋରପନ୍ଥୀ ହୁରିୟାତ କନଫରେନ୍ସର ଅଧ୍ୟକ୍ଷ ଭାବରେ ମସରତ ଆଲାମ ନିଯୁକ୍ତ ହୋଇଛନ୍ତି। ଗତ ସପ୍ତାହରେ ସୟଦ ଅଲୀ ଶାହ ଗିଲାନିଙ୍କ ପରଲୋକ ପରେ ହୁରିୟାତର ଅଧ୍ୟକ୍ଷ ପଦ ଖାଲି ହୋଇଥିଲା। ଗଣମାଧ୍ୟମକୁ ଏକ ବିବୃତି ଜାରିକରି ହୁରିୟାତ ପକ୍ଷରୁ କୁହାଯାଇଛି ଯେ ଜମ୍ମୁ କାଶ୍ମୀର ଜନସାଧାରଣ ହୁରିୟାତର ନେତୃତ୍ୱ ପ୍ରତି ବହୁ ଆଶା ଆକାଂକ୍ଷା ରଖିଥାନ୍ତି। ଏହି ଅବସରରେ ଶବିର ଅହମଦ ଶାହ ଏବଂ ଗୁଲାମ ଅହମଦ ଗୁଲଜାର ଏହି କଠୋର ବିଚ୍ଛିନ୍ନତାବାଦୀ ସଂଗଠନର ଉପାଧ୍ୟକ୍ଷ ଭାବେ ନିଯୁକ୍ତ ହୋଇଛନ୍ତି। ସଂଗଠନ ପକ୍ଷରୁ କୁହାଯାଇଛି ଏହି ନିଯୁକ୍ତି ସାମୟିକ ଭାବରେ କରାଯାଇଛି ଏବଂ ହୁରିୟାତର ବିଧି ବ୍ୟବସ୍ଥା ଅନୁଯାୟୀ ଏହି ପଦବୀ ସକାଶେ ନିର୍ବାଚନ କରାଯିବ। ଅଲୀ ଶାହ ଗିଲାନି ଏହି ବିଚ୍ଛିନ୍ନତାବାଦୀ ଗୋଷ୍ଠୀର ଆଜୀବନ ଅଧ୍ୟକ୍ଷ ଭାବରେ ନିର୍ବାଚିତ ହୋଇଥିଲେ, କିନ୍ତୁ ଗତବର୍ଷ ଠାରୁ ସେ ଏହି ସଂଗଠନର ଅଧ୍ୟକ୍ଷ ପଦବୀରୁ ଓହରିଯିବା ସହିତ ନିଜକୁ ସଂଗଠନ ଠାରୁ ଦୂରେଇ ନେଇଥିଲେ। ସେ ପାକିସ୍ତାନର ଜଣେ ଦୃଢ ସମର୍ଥକ ଥିଲେ ଏବଂ ତିନି ଦଶନ୍ଧିରୁ ଅଧିକ ସମୟ ଧରି ଜମ୍ମୁ କାଶ୍ମୀରରେ ବିଚ୍ଛିନ୍ନତାବାଦୀ ଆନ୍ଦୋଳନର ନେତୃତ୍ୱ ନେଇଥିଲେ।
Popular Categories
Previous article
Next article