ଭାରତରେ ବିବାହ;ହ୍ୱାଟ୍ସଆପ୍‍ରେ ତଲାକ୍‍

ବେଙ୍ଗାଲୁରୁ: ହାଇଦ୍ରାବାଦର ୨୯ବର୍ଷିୟା ଜନୈକା ମହିଳା ୬୨ବର୍ଷିୟ ଜନୈକ ଓମାନ ନାଗରିକଙ୍କୁ ବିବାହ କରିବା ପରେ ଏବେ ହ୍ୱାଟ୍ସଆପ୍‍ ମାଧ୍ୟମରେ ତଲାକ୍‍ ମେସେଜ ପାଇଛନ୍ତି। ପୀଡ଼ିତା ମେ’ ୨୦୧୭ରେ ଓମାନ ନାଗରିକଙ୍କୁ ବିବାହ କରିବା ପରେ ତାଙ୍କ ସହ ଓମାନ ଯାଇଥିଲେ। ତେବେ ଓମାନ ପହଞ୍ôଚବା ପରେ ବୃଦ୍ଧ ସ୍ୱାମୀଙ୍କ ପ୍ରକୃତିରେ ଦେଖାଦେଇଥିଲା ପରିବର୍ତ୍ତନ। ତେବେ ମହିଳା ଜଣକ ଭାଗ୍ୟକୁ ଆଦରି ପରିସ୍ଥିତିର ସାମ୍‍ନା କରିଥିଲେ। କିଛି ଦିନ ମଧ୍ୟରେ ଉଭୟଙ୍କ ଏକ ସନ୍ତାନ ଜନ୍ମ ହୋଇଥିଲା। ତେବେ ନବଜନ୍ମାର ସ୍ୱାସ୍ଥ୍ୟବସ୍ଥା ଠିକ୍‍ ନଥିôବାରୁ କିଛି ଦିନ ମଧ୍ୟରେ ଉକ୍ତ ଶିଶୁର ମୃତ୍ୟୁ ହୋଇ ଯାଇଥିଲା।
ମହିଳାଙ୍କ ସ୍ୱାସ୍ଥ୍ୟଗତ କାରଣରୁ ଶିଶୁର ମୃତ୍ୟୁ ହେଲା ବୋଲି ସ୍ୱାମୀ ଅଭିଯୋଗ କରିବା ସହ ୩୦ଜୁଲାଇ ୨୦୧୮ରେ ମହିଳାଙ୍କୁ ଭାରତକୁ ପଠାଇ ଦେଇଥିଲେ। ମହିଳାଙ୍କ ବାପଘରକୁ ପଠାଇ ଭାରତରେ ସ୍ୱାସ୍ଥ୍ୟର ଚିକିତ୍ସା କରାଇବାକୁ ନିର୍ଦେଶ ଦେଇଥିଲେ ସ୍ୱାମୀ। ତେବେ ଭାରତ ପହଞ୍ôଚବା ପରେ ମହିଳାଙ୍କୁ ଚିକିତ୍ସା ତ’ ଦୂର ବିବାହ ବିଚ୍ଛେଦର ଶିକାର ହେବାକୁ ପଡ଼ିଥିଲା। ୨୦୧୮ ଅଗଷ୍ଟ ୧୨ରେ ମହିଳାଙ୍କ ହ୍ୱାଟ୍ସଆପ୍‍ରେ ସ୍ୱାମୀ ତଲାକ୍‍ ମେସେଜ୍‍ ପଠାଇଥିଲେ। ଏହା ପରଠାରୁ ମହିଳାଙ୍କ ଫୋନର କୌଣସି ଉତ୍ତର ଦେଉନାହାନ୍ତି ଓମାନରେ ଥିବା ସ୍ୱାମୀ। ଅସହାୟ ମହିଳା ଜଣକ ଶେଷରେ ବୈଦେଶିକ ବ୍ୟାପାର ମନ୍ତ୍ରୀ ସୁଷମା ସ୍ୱରାଜଙ୍କ ସହଯୋଗ ଲୋଡିଛନ୍ତି।