କଣ୍ଟାବାଞ୍ଜି : ବଲାଙ୍ଗିର ଜିଲ୍ଲା କଣ୍ଟାବାଞ୍ଜିରେ ଆଜି ସକାଳ ୬.୩୦ ସମୟରେ କଣ୍ଟାବାଞ୍ଜି ରେଲୱେ ଫୁଟବଲ୍ ଖେଳ ପଡ଼ିଆରେ ବନ୍ଧୁମାନଙ୍କ ସହିତ ଫୁଟବଲ୍ ଖେଳୁଥିବା ସମୟରେ ହଠାତ୍ ପଡ଼ିଯିବାରୁ ସହରର ଯୁବ କପଡା ବ୍ୟବସାୟୀ, ମୋହିତ କୱାଡ ନାମକ ଜଣେ ୩୦ ବର୍ଷୀୟ ଯୁବକଙ୍କ ମୃତ୍ୟୁ ଘଟିଛି । ସଙ୍ଗେ ସଙ୍ଗେ ତାଙ୍କୁ କଣ୍ଟାବାଞ୍ଜି ଡାକ୍ତରଖାନାରେ ଚିକିତ୍ସା ପାଇ ଭର୍ତ୍ତି କରାଯାଇଥିଲା ତେବେ ତାଙ୍କର ମୃତ୍ୟୁ ଘଟିଥିଲା । ହୃଦ୍ ରୋଗ ସମସ୍ୟା ଏବଂ ମୁଣ୍ଡରେ ଆଘାତ ସମେତ ବିଭିନ୍ନ ରୋଗ ଯୋଗୁଁ ଯୁବ ଫୁଟବଲ୍ ଖେଳାଳିମାନେ ହଠାତ୍ ମୃତ୍ୟୁବରଣ କରୁଥିବା ଭଳି ଅନେକ ଘଟଣା ଘଟିବାରେ ଲାଗିଛି । ମୋହିତ ସମ୍ପୂର୍ଣ୍ଣ ସୁସ୍ଥ ଥିବାବେଳେ ଏଭଳି ମୃତ୍ୟୁ ସମସ୍ତଙ୍କୁ ଚକିତ କରୁଛି । ତାଙ୍କ ପରିବାରଲୋକେ ମୋହିତଙ୍କ ଚକ୍ଷୁଦାନ କରିଛନ୍ତି । ସମସ୍ତେ ତାଙ୍କର ଏଭଳି କାର୍ଯ୍ୟକୁ ପ୍ରଶଂସା କରୁଛନ୍ତି ।
Comments are closed.