ନୂଆଦିଲ୍ଲୀ : ଜଣେ ବ୍ୟକ୍ତି ନିଜ ସ୍ବପ୍ନର ଘର କିଣିବା ପାଇଁ ୩ କୋଟିରୁ ଅଧିକ ନିବେଶ କରିଛନ୍ତି । ତା ପୁଣି ଏକ ଚେତାବନୀ ସତ୍ତ୍ବେ । ଡେଭିଟ୍ ମୁଟ୍ ନାମକ ଏହି ବ୍ୟକ୍ତି ମୈସାଚୁସେଟ୍ସ କୂଳରେ ଏକ ଘର କିଣିଛନ୍ତି । ସାଗର କୂଳରେ ସ୍ଥିତ ଏହି ଘର ଆଗାମୀ ୧୦ ବର୍ଷରେ ଭାସିଯିବ ବୋଲି ତାଙ୍କୁ ଚେତାବନୀ ଦିଆଯିବା ପରେ ମଧ୍ୟ ସେ ଘରଟି କିଣିଛନ୍ତି । ସେ କହିଛନ୍ତି କି ଭବିଷ୍ୟତ ସମ୍ପର୍କରେ ଚିନ୍ତା କରିବା ପାଇଁ ଜୀବନ ବହୁତ ଛୋଟ ।
୫୯ ବର୍ଷୀୟ ଡେଭିଟ୍ ଅନେକ ବର୍ଷ ହେବ ସମୁଦ୍ର କୂଳରେ ଏକ କିଣିବା ପାଇଁ ଚାହୁଁଥିଲେ । ଅନେକ ଦିନ ପରେ ସେ ଏକ ବିଶାଳ ୩ ବେଡରୁମ୍ ବିଶିଷ୍ଟ ଘର ସମ୍ପର୍କରେ ଜାଣିବାକୁ ପାଇଲେ ଯାହାର ଦାମ୍ ୩ କୋଟି ଟଙ୍କା ଥିଲା । କିନ୍ତୁ ଏହା ସମୁଦ୍ରଠୁ ମାତ୍ର ୨୫ ଫୁଟ ଦୂରରେ । ବ୍ଲୁମବର୍ଗ ରିପୋର୍ଟ ଅନୁସାରେ ପ୍ରତି ବର୍ଷ ସମୁଦ୍ର ୩ ଫୁଟ ଆଗକୁ ମାଡିଆସୁଛି । ପ୍ରାୟ ୧୦ ବର୍ଷ ମଧ୍ୟରେ ଘରଟି ସମୁଦ୍ରରେ ଲୀନ ହୋଇଯିବ ଜାଣି ଡେଭିଟ୍ ସେ ଘର କିଣିଛନ୍ତି । ତାଙ୍କ କହିବାନୁସାରେ ଭବିଷ୍ୟତରେ ଯାହା ହେବ ଦେଖାଯିବ, କିନ୍ତୁ ଏହି ୧୦ ବର୍ଷ ଭିତରେ ସେ ନିଜ ସ୍ବପ୍ନକୁ ପୁରା କରିବେ ।
Comments are closed.