ଚେକ ବାଉନ୍ସ ମାମଲାରେ ଜଣେ ଗିରଫ

ଗୋପାଳପୁର: ଚେକ ବାଉନ୍ସ ମାମଲାରେ କୋର୍ଟଙ୍କ ନିର୍ଦ୍ଦଶେକୁ ଅବମାନନା କରିବା ପରେ ୱାରେଣ୍ଟ ବଳରେ ଗୋପାଳପୁର ପୁଲିସ ଜଣେ ଯୁବକଙ୍କୁ ଗିରଫ କରି କୋର୍ଟଚାଲାଣ କରିଛି। ଗିରଫ ଯୁବକ ଜଣକ ହେଲେ ଡ଼ୁରା ଗ୍ରାମର ନିଳାଦ୍ରୀ କେଶରୀ ପ୍ରହରାଜ ଓରଫ ନିଲୁ। ସୂଚନାଯୋଗ୍ୟ, ଜଣେ ବ୍ୟକ୍ତିଙ୍କୁ ନିଲୁ ଟଙ୍କା ବାବଦରେ ଚେକ ଦେଇଥିଲେ। ଆକାଉଣ୍ଟରେ ଟଙ୍କା ନ ଥିବାରୁ ଜନୈକ ବ୍ୟକ୍ତି ୨୦୧୯ରେ କୋର୍ଟଙ୍କ ଦ୍ୱାରସ୍ଥ ହୋଇଥିଲେ। କୋର୍ଟଙ୍କ ପକ୍ଷରୁ ନିଲୁଙ୍କ ନିକଟକୁ ବାରମ୍ବାର ନୋଟିସ ପଠାଯାଇଥିଲା। ହେଲେ ସେ ହାଜର ହୋଇ ନ ଥିଲେ। ଫଳରେ କୋର୍ଟ ନିଲୁଙ୍କ ନାମରେ ୱାରେଣ୍ଟ ଜାରି କରିଥିଲେ। ସେବେଠାରୁ ସେ ଫେରାର ହୋଇଯାଇଥିଲେ। ଶୁକ୍ରବାର କୌଣସି ସୂତ୍ରରୁ ଗୋପାଳପୁର ପୁଲିସ ଖବର ପାଇ ତାଙ୍କୁ ଘରୁ ଗିରଫ କରିଥିଲା।