ମାଲକାନାଗିରି : ମାଲକାନଗିରି ଜିଲା ମାଓ ଡିଭିଜନ କାଲିମେଳାର ବରିଷ୍ଠ ମାଓନେତା ରଣଦେବଙ୍କ ୬ ମିଲିସିଆ ସହଯୋଗୀ ଶୁକ୍ରବାର ଜିଲା ପୁଲିସ ନିକଟରେ ଆତ୍ମସର୍ମପଣ କରିଛନ୍ତି। ଆତ୍ମ ସର୍ମପଣ କରିଥିବା ମାଓବାଦୀ ମାନେ କାଲିମେଳା ଥାନା ଅନ୍ତର୍ଗତ କୁର୍ମାନୁର ପଞ୍ଚାୟତର ରଘୁ ହନ୍ତାଳ, ଗୋବିନ୍ଦ ଗୋଲରୀ, ନୀଳ ହନ୍ତାଳ, ବଳରାମ ହନ୍ତାଳ, ଲବ ହନ୍ତାଳ ଏବଂ ରାମଚନ୍ଦ୍ର ଗୋଲରୀ ବୋଲି ସୂଚନା ମିଳିଛି। ସେମାନେ ବଟିଗେଟା ସ୍ଥିତ ୧୧୨ ବିଏସଏଫ୍ କ୍ୟାମ୍ପରେ ଦିନ ୧୧ଟାରେ ଆତ୍ମସର୍ମପଣ କରିଛନ୍ତି।
ବିଏସଏଫ୍ କମାଣ୍ଡାଣ୍ଟଙ୍କ ସୂଚନା ଅନୁଯାୟୀ, ଆତ୍ମସମର୍ପଣ କରିଥିବା ଏହି ୬ଜଣ ହାର୍ଡକୋର ମାଓନେତା ରଣଦେବର ସହଯୋଗୀ ଭାବେ ଗତ ୫ବର୍ଷ ଧରି କାର୍ଯ୍ୟ କରୁଥିଲେ। ସେମାନେ ମାଓବାଦୀମାନଙ୍କୁ ପନିପରିବା, ଔଷଧ, ଖାଦ୍ୟସାମଗ୍ରୀ ଭଳି ଅତ୍ୟାବଶ୍ୟକ ସାମଗ୍ରୀ ଯୋଗାଣ, ବିଭିନ୍ନ ସ୍ଥାନରେ ପୋଷ୍ଟର ମାରିବା କାମ କରୁଥିଲେ। ମାଲକାନଗିରି ପୁଲିସର ଆତ୍ମନିର୍ଭରଶୀଳ ନୀତିରେ ବିଶ୍ୱାସ କରି ମୁଖ୍ୟସ୍ରୋତକୁ ଫେରିଥିବା ସେମାନେ କହିଛନ୍ତି। ସେମାନଙ୍କ ନାମରେ ଥାନାରେ କୌଣସି ଅଭିଯୋଗ ହୋଇନାହିଁ।
