ବୈପାରିଗୁଡା: କାଠ ବୋଝେଇ ଟ୍ରକ ଓଲଟି ଶହଶହ ସଂଖ୍ୟାରେ ଯାନବାହାନ ଅଟକି ରହିଛି। ବୈପାରିଗୁଡା ମାଲକାନଗିରି ରାଞ୍ଚି ବିଜୟଓ୍ବାଡା ୩୨୬ ନମ୍ବର ଜାତୀୟ ରାଜପଥର ମନ୍ତ୍ରୀଆମ୍ବ ନିକଟସ୍ଥ କଶିଗାଡ ପୋଲ ଉପରେ ଆନ୍ଧ୍ରପ୍ରଦେଶର ଭଦ୍ରାଚଲମ୍ ଯାଉଥିବା ଏକ କାଠ ବୋଝେଇ ଟ୍ରକ ଓଲଟି ପଡିବା ଫଳରେ ରାସ୍ତା ଜାମ୍ ହୋଇ ଶହଶହ ସଂଖ୍ୟାରେ ଯାନବାହାନ ଚଳାଚଳରେ ବାଧାପ୍ରାପ୍ତ ହୋଇଛି। ଓଡିଶା ଆନ୍ଧ୍ରପ୍ରଦେଶ ଯୋଗାଯୋଗ ଏକ ପ୍ରକାର ବନ୍ଦ ହୋଇଯାଇଛି। ଗତକାଲି ରାତି ୧୧ଟା ଠାରୁ ବର୍ତ୍ତମାନ ସୁଦ୍ଧା ରାସ୍ତା ଜାମ୍ ଲାଗି ରହିଛି। ଘଟଣାସ୍ଥଳରେ ବୈପାରିଗୁଡା ପୁଲିସ ଓ ଅଗ୍ନିଶମ ବିଭାଗ ପହଞ୍ଚି ଯାତାୟତ ସ୍ୱାଭାବିକ କରିବା ଜାରି ରଖିଛନ୍ତି।
Comments are closed.