ମାଲକାନଗିରି : ମାଲକାନଗିରି ଜିଲ୍ଲା ଚିତ୍ରକୋଣ୍ଡା ବ୍ଲକ ଚିତ୍ରକୋଣ୍ଡା ଗ୍ରାମପଞ୍ଚାୟତର ହନୁମାନ ମନ୍ଦିର ପାଖରେ ଥିବା କଲୋନିର ସୁକୁଆବାଲା ନାମକ ବ୍ୟକ୍ତିଙ୍କ ଘର ପଛ ପାଖରୁ ଅଜଗର ସାପଟିକୁ ଉଦ୍ଧାର କରାଯାଇଛି । ସାପଟିର ଲମ୍ବ ୧୦ ଫୁଟ ଓ ଏହାର ଓଜନ ୨୫ କେଜି ହେବ ବୋଲି ଅନୁମାନ କରାଯାଇଛି। ଘର ପଛ ପାଖ ଜଙ୍ଗଲରୁ ସାପଟି ଖାଦ୍ୟ ଅନ୍ୱେଷଣରେ ଚାଲି ଆସିଥିବା ଅନୁମାନ କରାଯାଉଛି।
ସକାଳେ ପ୍ରଥମେ ସାପଟିକୁ ଘର ଲୋକେ ଦେଖି ସାହି ପଡିଶାକୁ ଡାକିଥିଲେ। ପରେ ଚିତ୍ରକୋଣ୍ଡା ଅଞ୍ଚଳରେ ସାପ ଧରୁଥିବା ମାଧବଙ୍କୁ ଖବର ଦିଆଯାଇଥିଲା। ମାଧବ ଖବରପାଇ ସଙ୍ଗେ ସଙ୍ଗେ ଆସି ସାପଟିକୁ ଧରିଥିଲେ। ଏହାପରେ ସାପଟିକୁ ଧରି ଦୂରରେ ଥିବା ଜଙ୍ଗଲରେ ଛାଡିଥିବା ଜଣାପଡିଛି ।
