ନୂଆଦିଲ୍ଲୀ: ବିଦେଶୀ ମୁଦ୍ରା ପରିଚାଳନା ଆଇନ(ଫେମା) ଉଲ୍ଲଂଘନ ଅଭିଯୋଗରେ ପ୍ରବର୍ତ୍ତନ ନିର୍ଦେଶାଳୟ(ଇଡି) ପକ୍ଷରୁ ତୃଣମୂଳ କଂଗ୍ରେସର ପୂର୍ବତନ ସାଂସଦ ମହୁଆ ମୈତ୍ରଙ୍କୁ ସାନି ସମନ ଜାରି କରାଯିବା ସହ ୭ ଦିନ ମହଲତ ଦିଆଯାଇଛି। ଆସନ୍ତା ସପ୍ତାହରେ ହାଜର ହେବାକୁ ମହୁଆଙ୍କୁ ନିର୍ଦେଶ ଦିଆଯାଇଛି। ପୂର୍ବରୁ ଏହି ମାମଲାରେ ସୋମବାର ହାଜର ହେବାକୁ ମହୁଆଙ୍କୁ ନିର୍ଦେଶ ଦିଆଯାଇଥିଲା। ତେବେ ଅନିର୍ବାର୍ଯ୍ୟ କାରଣବଶତଃ ହାଜର ହୋଇନପାରିବାରୁ ମହୁଆ ଇଡିଙ୍କୁ ସମୟ ଲୋଡିଥିଲେ।
ସୂଚନାଯୋଗ୍ୟ, ଲାଞ୍ଚ ନେଇ ଲୋକସଭାର ପ୍ରଶ୍ନ ପଚାରୁଥିବା ଅଭିଯୋଗରେ ସ୍ବାଧିକାର କମିଟି ଦ୍ବାରା ଦୋଷୀସାବ୍ୟସ୍ତ ହେବାପରେ ମହୁଆ ଡିସେମ୍ବର ୮ରେ ସାଂସଦ ପଦରୁ ବହିଷ୍କୃତ ହୋଇଥିଲେ।
