ବନ୍ଦେ ଭାରତ ଟ୍ରେନ୍ ଚଳାଇବା ପାଇଁ ମାରପିଟ୍ କଲେ ଲୋକୋ ପାଇଲଟ୍

ନୂଆଦିଲ୍ଲୀ : ଦେଶର ଅତ୍ୟାଧୁନିକ ଟ୍ରେନ୍ ବନ୍ଦେ ଭାରତ ଏକ୍ସପ୍ରେସ ସବୁ ସମୟରେ ଚର୍ଚ୍ଚାରେ ରହୁଛି । ଏବେ ଏହାକୁ ନେଇ ଏକ ଭିଡିଓ ଭାଇରାଲ ହେଉଛି, ଯେଉଁଥିରେ ଦେଖିବାକୁ ମିଳୁଛି କି ଲୋକୋ ପାଇଲଟ୍ ଟ୍ରେନ୍ ଚଲାଇବା ପାଇଁ ମାରପିଟ୍ କରୁଛନ୍ତି ।

ଘଟଣାଟି ୨ ସେପ୍ଟେମ୍ବରରେ ଉଦୟପୁର-ଆଗ୍ରା କ୍ୟାଣ୍ଟ ବନ୍ଦେ ଭାରତ ଏକ୍ସପ୍ରେସ୍ ଟ୍ରେନରେ ଘଟିଛି । ଏହି ଟ୍ରେନ୍ କୋଟାରୁ ଗଙ୍ଗାପୁର ପହଞ୍ଚିବା ପରେ ଆଗ୍ରା ରେଳ ମଣ୍ଡଳର ଚାଳକ ଟ୍ରେନକୁ ଆଗ୍ରା ନେଇଯିବା ପାଇଁ ଚାହୁଁଥିଲେ । କିନ୍ତୁ ଗଙ୍ଗାପୁର ସିଟିର ଚାଳକମାନେ ଟ୍ରେନ୍ ନେଇଯିବାକୁ ମନା କରିଦେଲେ । ଏହି କଥାକୁ ନେଇ ଉଭୟ ମଣ୍ଡଳର କର୍ମଚାରୀଙ୍କ ମଧ୍ୟରେ ବିବାଦ ହୋଇଗଲା ଏବଂ କିଛି ସମୟ ମଧ୍ୟରେ ମାରପିଟ୍ ଆରମ୍ଭ ହୋଇଗଲା ।

What’s wrong with Indian Railways?
These are not passengers fighting to board the train but they are loco pilots who are fighting amongst themselves that who will drive the newly started Agra Udaipur Vande Bharat Express Train. May God save the passengerspic.twitter.com/QDOWOrBqwj

— NCMIndia Council For Men Affairs (@NCMIndiaa) September 7, 2024

ଏହି ଘଟଣାର ଦୃଶ୍ୟ ଏବେ ସାମାଜିକ ଗଣମାଧ୍ୟମରେ ଭାଇରାଲ ହେବାରେ ଲାଗିଛି । ଭିଡିଓରେ ସ୍ପଷ୍ଟ ନଜର ଆସୁଛି କି ରେଳ କର୍ମଚାରୀ ମାରପିଟ୍ ହେଉଛନ୍ତି । ଏହି ବିବାଦର କାରଣ କିଏ ଏହାକୁ ଚଲାଇବ । ଉଦୟପୁରରୁ ଚାଲୁଥିବା ବନ୍ଦେ ଭାରତ ଟ୍ରେନ୍ ଉତ୍ତର- ପଶ୍ଚିମ ରେଳ ଅଜମେର ମଣ୍ଡଳରୁ ଆରମ୍ଭ ହୋଇଥାଏ । ଏହା ପରେ ପଶ୍ଚିମ ମଧ୍ୟ ରେଳର କୋଟା ରେଳ ମଣ୍ଡଳ ହୋଇ ଯାତ୍ରା କରିଥାଏ । ପରେ ଉତ୍ତର ମଧ୍ୟ ରେଲଓ୍ବେ ମଣ୍ଡଳରେ ଆଗ୍ରା ରେଳ ମଣ୍ଡଳ ପର୍ଯ୍ୟନ୍ତ ଯାଇଥାଏ । ଏଭଳି କ୍ଷେତ୍ରରେ ଉଭୟ ମଣ୍ଡଳର କର୍ମଚାରୀ ଏହି କଥାକୁ ନେଇ ସାମ୍ନାସାମ୍ନି ହୋଇଥିଲେ କି ଟ୍ରେନ୍ କିଏ ଚଲାଇବ । ଏହି ଭିଡିଓ ଏବେ ଭାଇରାଲ ହେବାରେ ଲାଗିଛି ।