ଭୋଟ୍‌‌ ଦେଲେ ଅଭିନେତ୍ରୀ ତଥା ସାଂସଦ ପ୍ରାର୍ଥୀ କଙ୍ଗନା

ହିମାଚଳ: ଦେଶରେ ସପ୍ତମ ତଥା ଅନ୍ତିମ ପର୍ଯ୍ୟାୟ ମତଦାନ ଜାରି ରହିଛି। ହିମାଚଳ ପ୍ରଦେଶର ମଣ୍ଡି ଲୋକସଭା ଆସନରୁ ବିଜେପିର ସାଂସଦ ପ୍ରାର୍ଥୀ ତଥା ଅଭିନେତ୍ରୀ କଙ୍ଗନା ରଣାୱତ ସରକାଘାଟ ମତଦାନ କେନ୍ଦ୍ରରେ ଭୋଟ ଦେଇଛନ୍ତି। କଂଗ୍ରେସ ଏହି ଲୋକସଭା ଆସନରୁ ବିକ୍ରମାଦିତ୍ୟ ସିଂଙ୍କୁ ପ୍ରାର୍ଥୀ କରିଛି। ଭୋଟ୍‌‌ ଦେବା ପରେ କଙ୍ଗନା ରଣାୱତ କହିଛନ୍ତି ଯେ ଗଣତନ୍ତ୍ରର ଏହି ପର୍ବରେ ଭାଗ ନେଇ ଖୁସି ବ୍ୟକ୍ତ କରିଛନ୍ତି। ଗଣତନ୍ତ୍ରର ଏହି ପର୍ବରେ ସମସ୍ତେ ସାମିଲ ହୋଇ ନିଜର ମତଦାନ ସାବ୍ୟସ୍ତ କରନ୍ତୁ ବୋଲି ନିବେଦନ କରିଛନ୍ତି କଙ୍ଗନା। ଏହି ଅବସରରେ କଙ୍ଗନା କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଲହର ଦେଶରେ ଜାରି ରହିବ। ଏଥର ୪୦୦ପାର ନାରାରେ ହିମାଚଳର ୪ଟି ସିଟ୍‌‌ ମଧ୍ୟ ସାମିଲ ହେବ। ନିଶ୍ଚିତ ଭାବେ ଏଠାରେ ଲୋକଙ୍କ ଆଶୀର୍ବାଦ ମୋତେ ମିଳିବ ବୋଲି କହିଛନ୍ତି କଙ୍ଗନା।