କଲକାତା : କରୋନା ଜନିତ ଲକଡାଉନ ଅନେକ ଲୋକଙ୍କ ପାଇଁ ଦୁଃଖ ଆଣିଥିବା ବେଳେ ଉର୍ମିଳା ଦେବୀଙ୍କ ପାଇଁ ଆଣିଛି ଖୁସି। ୨୧ ବର୍ଷ ତଳେ ହଜି ଯାଇଥିବା ପତିକୁ ସଂଗରୋଧ କେନ୍ଦ୍ରରେ ପାଇବା ପରେ ସେ ଲକଡାଉନକୁ ଧନ୍ୟାବାଦ ଦେବାକୁ ପଛାଇନାହାନ୍ତି। ମିଳିଥିବା ସୂଚନା ଅନୁଯାୟୀ ଆସନସୋଲ ଅଂଚଳର ଉର୍ମିଳାଙ୍କ ପତି ସୁରେଶ ପ୍ରସାଦ ୨୧ ବର୍ଷ ତଳେ ଘରୁ ଚାଲିଯିବା ପରେ ଆଉ ଫେରି ନଥିଲେ। ବହୁ ଖୋଜାଖୋଜି କରିଥିଲେ ମଧ୍ୟ ସୁରେଶକୁ ପାଇନଥିଲେ ଉର୍ମିଳା। ପରିଶ୍ରମ କରି ନିଜର ୪ ପିଲାଙ୍କୁ ଶିକ୍ଷିତ କରିବାକୁ ଚେଷ୍ଟା କରିଥିଲେ। ଲକଡାଉନ ଯୋଗୁ ଦିଲ୍ଲୀରୁ କୋଲକତା ଫେରିଥିବା ଶ୍ରମିକଙ୍କ ମଧ୍ୟରେ ତାଙ୍କ ପତି ସୁରେଶ ଆସିଥିବା ସେ ପୁଲିସଠାରୁ ଜାଣିବାକୁ ପାଇଥିଲେ। ସୁରେଶକୁ ସଂଗରୋଧ କେନ୍ଦ୍ରକୁ ପଠାଇବା ବେଳେ ସ୍ଥାନୀୟ ପୁଲିସ ତାର ଠିକଣ ପଚାରିଥିଲା। ସୁରେଶ ଠିକଣା କହିବା ସହ ସେ ଘରୁ ପଳାଇଥିବା ପୁଲିସକୁ କହିଥିଲା। ପୁଲିସ ଏ ସଂପର୍କରେ ଉର୍ମିଳାଙ୍କୁ ଜଣାଇଥିଲା। ଚେହେରାରେ ପରିବର୍ତନ ହୋଇଥିବାରୁ ଚିହ୍ନିବା ଯଦିଓ କଷ୍ଟ ହୋଇଥିଲା, ସବୁକଥା ଜାଣିବା ପରେ ଉର୍ମିଳା ଖୁସି ବ୍ୟକ୍ତ କରିଥିଲେ। ସ୍ବାମୀଙ୍କ ସହ ତାଙ୍କର ଏହି ମିଳନ ପାଇଁ ସେ ଲକଡାଉନକୁ ଧନ୍ୟବାଦ ଦେଇଥିଲେ।
Comments are closed.