ଲେମ୍ବୁର ବହୁ ଉପକାରୀ ଗୁଣ ରହିଛି। ଲେମ୍ବୁକୁ ଆମେ ସରବତ କରି ପିଇବା ପରେ ଏହାର ଚୋପାକୁ ଫୋପାଡ଼ି ଦେଇଥାଉ। ମାତ୍ର ଘରକୁ ସଫା କରିବାରେ ଏହାର ଚୋପା ଓ ରସ ବହୁ ଲାଭ ଦାୟକ ଅଟେ। ଲେମ୍ବୁର ଚୋପାରେ ଯେକୌଣସି ଦ୍ରବ୍ୟକୁ ସଫା କଲେ ଏହା ସଫା ହେବା ସହ ଏହାର ଚମକ ମଧ୍ୟ ବଢି ଥାଏ। ଜାଣନ୍ତୁ ଘରକୁ ସଫା କରିବା ନିମନ୍ତେ କିପରି କରିବେ ଲେମ୍ବୁର ବ୍ୟବହାର ….
ସିଙ୍କ୍ (ରୋଷେଇ ଘର ବେସିନ୍)କୁ ସଫା କରିବା ନିମନ୍ତେ -ରୋଷେଇ ଘରର ସିଙ୍କ୍ରେ ସର୍ବଦା ପାଣି ,ବାସନକୁସନ ଆଦି ରହିବା ଦ୍ବାରା ତାହା ଅପରିଷ୍କାର ହୋଇ ଦାଗ ହୋଇଯାଏ। ସିଙ୍କ୍ରେ ଲେମ୍ବୁ ରସରେ ଲୁଣ ମିଶାଇ କିମ୍ବା ଲେମ୍ବୁ ଚୋପାରେ ଲୁଣ ଲଗାଇ ଘଷି କିଛି ସମୟ ରଖି ଧୋଇ ଦିଅନ୍ତୁ। ଏହା ଖୁବ ଭଲ ଭାବେ ସଫା ହୋଇଯିବ।
ଡ଼ବାର ଦାଗ ଦୂର ପାଇଁ – ଡ଼ବା ଗୁଡ଼ିକର ଖୋଳରେ ଓ ଡ଼ବାରେ ଥିବା ଦାଗ ସହଜରେ ଲିଭି ନଥାଏ। ଲେମ୍ବୁ ରସକୁ ଲଗାଇ ଓ ଏହାର ଚୋପାରେ ଘଷି ରଖନ୍ତୁ। କିଛି ସମୟ ପରେ ଧୋଇ ଦିଅନ୍ତୁ। ଦାଗ ସଂପୂର୍ଣ୍ଣ ଦୂର ହୋଇଯିବ।
ଏତଦ୍ ବ୍ୟତୀତ ରୋଷେଇ ଘରର ବହୁ ସ୍ଥାନରେ ତେଲର ଚିକଟା ଦାଗ ରହିଯାଏ। ଲେମ୍ବୁ ରସରେ ସାମାନ୍ୟ ଲୁଣ ମିଶାଇ ଏହି ତେଲର ଚିକଟା ସ୍ଥାନରେ ଘଷନ୍ତୁ। ଏହି ଚିକଟା ସଂପୂର୍ଣ୍ଣ ସଫା ହୋଇଯିବ।
ଘରର କାଚ କବାଟ, ଝରକା ଆଦିକୁ ସଫା କରିବା ନିମନ୍ତେ ଲେମ୍ବୁରେ ଘଷିଲେ ଏହା ମଧ୍ୟ ଖୁବ ଭଲ ଭାବେ ସଫା ହୋଇଯାଏ।
