ଲକ୍ଷ୍ମୀପୁର : ଶନିବାର ନିର୍ବାଚନ ତାରିଖ ଘୋଷଣା ହେବା ସହିତ ଲାଗୁ ହୋଇଛି ଆଦର୍ଶ ଆଚରଣ ବିଧି । ଫଳରେ ରାସ୍ତା ଘାଟ ଛକ ବଜାର ଓ ବିଭିନ୍ନ କାର୍ୟ୍ୟାଳୟରେ ଲାଗିଥିବା ହୋର୍ଡ଼ିଂ ଓ ବ୍ୟାନରକୁ ଶନିବାର ରାତିରେ ହଟାଇ ଦିଆଯିବା କାର୍ୟ୍ୟ ଆରମ୍ଭ ହୋଇଛି । ଗୋଷ୍ଠୀ ଊନ୍ନୟନ ଅଧିକାରୀ ଗୁରେଶ୍ବର ଭୋଇଙ୍କ ନେତୃତ୍ବରେ ବ୍ଲକ କାର୍ୟ୍ୟାଳୟର କର୍ମଚାରୀମାନେ ଏହି କାର୍ଯ୍ୟରେ ଲାଗି ପଞ୍ଚାୟତ ସମିତି କାର୍ୟ୍ୟାଳୟ ନିକଟରେ ସରକାରଙ୍କ ବିଭିନ୍ନ ଯୋଜନାର ପ୍ରଚାର ପାଇଁ ଯେଉଁ ହୋର୍ଡ଼ିଂ ଲାଗିଥିଲା ତାହାକୁ ହଟାଇ ଦେଇଛନ୍ତି ।
ଏଥିସହିତ ଆସନ୍ତା କାଲି ଲକ୍ଷ୍ମୀପୁର ବଜାରରେ ଲାଗିଥିବା ହୋର୍ଡ଼ିଂ ଓ ବିଭିନ୍ନ ଦଳର ଆଶାୟୀ ମାନେ ନୂଆ ବର୍ଷର ଅଭିନନ୍ଦନ ଆଦି ଯେଉଁ ବ୍ୟାନର ଗୁଡ଼ିକ ଲଗାଯାଇଥିଲା ସେଗୁଡ଼ିକ ହଟାଇ ଦିଆଯିବ । ବିଶେଷକରି ୨୪ ଘଣ୍ଟା ମଧ୍ୟରେ ସରକାରୀ କାର୍ୟ୍ୟାଳୟ ଏବଂ ଜନ ସାଧାରଣଙ୍କ କାନ୍ଥବାଡରୁ ୪୮ ଘଣ୍ଟା ଓ ସମସ୍ତ ସ୍ଥାନରୁ ୭୨ ଘଣ୍ଟା ମଧ୍ୟରେ ବ୍ୟାନର ଓ ପୋଷ୍ଟରଗୁଡ଼ିକ ହଟାଇ ଦିଆଯିବ। ବଳକା ଯାହା ରହିବ ଏପରିକି ବ୍ଲକର ବିଭିନ୍ନ ସ୍ଥାନରେ ଲାଗିଥିବା ହୋର୍ଡ଼ିଂ ଓ ବ୍ୟାନରକୁ ହଟାଇ ଦିଆଯିବ ବୋଲି ଗୋଷ୍ଠୀ ଊନ୍ନୟନ ଅଧିକାରୀ ତଥା ମାଜିଷ୍ଟ୍ରେଟ ଦାଦୟିତ୍ଵରେ ଥିବା ଅଧିକାରୀ ଗୁରେଶ୍ବର ଭୋଇ ପ୍ରକାଶ କରିଛନ୍ତି । ଏହି କାର୍ଯ୍ୟର ପଞ୍ଚାୟତ ସମ୍ପ୍ରସାରଣ ଅଧିକାରୀ ସୁଧୀର କୁମାର ବେହେରାଙ୍କ ସମେତ ଅନ୍ୟାନ୍ୟ କର୍ମଚାରୀମାନେ ସାମିଲ ହୋଇଥିଲେ ।
Comments are closed.