ଲାଞ୍ଜିଗଡ଼: ଗୋଟିଏ ପରେ ଗୋଟିଏ ଲଘୁଚାପ ଯୋଗୁଁ ଲଗାଣ ବର୍ଷାରେ ପ୍ରବଳ ବେଗରେ ପାହାଡ଼ିଆ ବର୍ଷାଜଳ ପ୍ରବାହିତ ହେବାରୁ କଳାହାଣ୍ଡି ଜିଲ୍ଲା ଲାଞ୍ଜିଗଡ଼ ବ୍ଲକ ବିଜେପୁର ପଞ୍ଚାୟତ ଦନାରଗୁଡ଼ାରୁ ପୋଖେର ଗାଁକୁ ସଂଯୋଗ କରୁଥିବା ରାସ୍ତାଟି ବୁଧବାର ସଂପୂର୍ଣ୍ଣ ଭାବେ ଧୋଇଯାଇଛି। ଏଥିଯୋଗୁଁ ପୋଖେର, ସରଲାଞ୍ଜି, ଭାଲିଆପଦର ଓ ଡଙ୍ଗାମୁଣ୍ଡି ଗାଁର ୨୦୦ରୁ ଊର୍ଦ୍ଧ୍ବ ପରିବାର ଯୋଗାଯୋଗ ବିଚ୍ଛିନ୍ନ ହୋଇଯାଇଛନ୍ତି। ଯାହାଫଳରେ ପଞ୍ଚାୟତ କାର୍ଯ୍ୟାଳୟ ବିଜେପୁର ସମେତ ବ୍ଲକ କାର୍ଯ୍ୟାଳୟ ବିଶ୍ବନାଥପୁର ଓ ନିକଟବର୍ତ୍ତୀ ସହର ଲାଞ୍ଜିଗଡ଼, କଲ୍ୟାଣସିଂହପୁରକୁ ମଧ୍ୟ ଯାତାୟତ ବାଧାପ୍ରାପ୍ତ ହୋଇଛି। ଏପରିକି କଳାହାଣ୍ଡି ଜିଲ୍ଲା ଗ୍ରାମ୍ୟ ଉନ୍ନୟନ ବିଭାଗ ଭବାନୀପାଟଣା ଡିଭିଜନ ଦ୍ବାରା ଏହି ରାସ୍ତାକାମ ନିକଟରେ ଶେଷ ହୋଇଥିବାବେଳେ ଅତ୍ୟନ୍ତ ନିମ୍ନମାନର କାମ ଯୋଗୁଁ ରାସ୍ତା ଧୋଇଯାଇଥିବା ଅଭିଯୋଗ ହେଉଛି। ତେଣୁ କଳାହାଣ୍ଡି ଜିଲ୍ଲାପାଳ ତୁରନ୍ତ ଏଥିପ୍ରତି ଦୃଷ୍ଟି ଦେଇ ପଦକ୍ଷେପ ନେବାକୁ ଦାବୀ ହେଉଛି।
Popular Categories
Previous article
Next article