ଲାଞ୍ଜିଗଡ଼:ଏହି କିଛିଦିନ ଧରିି ଲାଞ୍ଜିଗଡ ଅଞ୍ଚଳରେ ଲଗାଣ ବର୍ଷା ଯୋଗୁଁ ଅନେକ କ୍ଷୟକ୍ଷତି ଘଟିଛି। ଲାଞ୍ଜିଗଡ ବନ୍ଧପାରୀକୁ ସଂଯୋଗ କରୁଥିବା ରାସ୍ତା ଲେପଟାଗୁଡା ନିକଟରେ ବିିଚ୍ଛିନ୍ନ ହୋଇଯାଇଥିବା ବେଳେ ଲାଞ୍ଜିଗଡ ଠାରୁୁ ବନ୍ଧପାରୀ, ମୁଷାନାଳ ଆଦି ଅଞ୍ଚଳକୁ ସିଧାସଳଖ ଯୋଗାଯୋଗ ବିଚ୍ଛିନ୍ନ ହୋଇଯାଇଛି। ସେହିପରି ଲାଞ୍ଜିଗଡ ଠାରୁ ଜଗନ୍ନାଥପୁରକୁ ସଂଯୋଗ କରୁଥିବା ମୁଖ୍ୟ ରାସ୍ତାର ବଂଶଧାରନଦୀ ପୋଲ ପାଖରେ ରାସ୍ତା କଡରେ ଏକ ବିରାଟ ଖାଇ ସୃଷ୍ଟି ହୋଇଥିବା ବେଳେ ଏହି ରାସ୍ତାଦେଇ ଯାତାୟତ କରୁଥିବା ଭାରିଯାନ ଗୁଡିକ ପାଇଁ ସମସ୍ୟା ସୃଷ୍ଟି କରିଛି।
ଏହି ରାସ୍ତାଦେଇ ତ୍ରୀଲୋଚନପୁର, ବିଜେପୁର ତଥା ରାୟଗଡା ଜିଲା କଲ୍ୟାସିଂପୁର ବ୍ଲକକୁ ସିଧାସଳଖ ଯୋଗାଯୋଗ ଥିବା ବେଳେ ବେଦାନ୍ତ ଲିଃର ଷ୍ଟାଫ କଲୋନି,ବେଦାନ୍ତ ଡିଏଭି ଇଣ୍ଟନ୍ୟାସନାଲ ସ୍କୁଲ ଭଳିଗୁରୁତ୍ୱପୁର୍ଣ୍ଣ ଗନ୍ତବ୍ୟ ପଥ ରହିଛି ତେବେ ଏହି ରାସ୍ତା କଡରେ ଖାଇ ସୃଷ୍ଟି ହେବା ସହିତ ଧିରେ ଧିରେ ଏହା ରାସ୍ତାକୁ ନଷ୍ଟ କରୁଥିବା ହେତୁ ଏହି ରାସ୍ତାଦେଇ ଚାରିଚକିଆ ଯାନ,ଭାରିଯାନ ଓ ସ୍କୁଲ ବସ ଗୁଡିକ ଯାତାୟତ କରିବାରେ ସମସ୍ୟା ଦେଖାଦେଇଛି । ବିପଦ ଶଙ୍କୁଳ ଏହି ରାସ୍ତା ବିପଦକୁ ହାତ ଠାରି ଡାକୁଥିବା ବେଳେ ଏଥିପ୍ରତି ପ୍ରଶାସନ ତୁରନ୍ତ ଦୃଷ୍ଟି ଦେଇ ଏହାର ସ୍ଥାୟୀ ମରାମତି କରିବାକୁ ଅଞ୍ଚଳବାସିଙ୍କ ତରଫରୁ ଦାବି ହେଉଛି।
