ପ୍ରୟାଗରାଜ : ଚଳିତ ମହାକୁମ୍ଭରେ ବିଭିନ୍ନ ନାମଧାରୀ ବାବା ଚର୍ଚ୍ଚାର ବିଷୟ ପାଲଟିଛନ୍ତି। ମହାକୁମ୍ଭକୁ ଆସୁଥିବା ଲକ୍ଷାଧିକ ଭକ୍ତ ସଙ୍ଗମରେ ବୁଡ ପକାଇ ଏଭଳି ବାବାଙ୍କ ଦର୍ଶନ ପାଇବାକୁ ବ୍ୟାକୁଳ ହେଉଥିବା ଲକ୍ଷ୍ୟ କରାଯାଇଛି। ତେବେ ଶ୍ରଦ୍ଧାଳୁଙ୍କ ଦୃଷ୍ଟି ଆକର୍ଷଣ କରିଥିବା ଆଇଆଇଟି ବାବାଙ୍କୁ ଇତିମଧ୍ୟରେ ମହାକୁମ୍ଭରେ ଦେଖିବାକୁ ମିଳୁନାହିଁ। ତାଙ୍କୁ ରାତିଅଧିଆ ବିଦା କରାଯାଇଛି ବୋଲି ଚର୍ଚ୍ଚା ଚାଲିଛି। କିନ୍ତୁ ଏହାରି ଭିତରେ ସେ ଏହି ଚର୍ଚ୍ଚାକୁ ମିଛ ବୋଲି କହିଛନ୍ତି। ସେ ଏବେ ବି ମହାକୁମ୍ଭରେ ଥିବା ସ୍ପଷ୍ଟ କରିଛନ୍ତି। ଆଇଆଇଟି ବାବା ଅଭୟ ସିଂ ଜାତୀୟ ଗଣ ମାଧ୍ୟମକୁ ସାକ୍ଷାତକାର ଦେଇ ଆଶ୍ରମର ସାଧୁ ମାନଙ୍କୁ ମିଥ୍ୟା ପ୍ରଚାର ପାଇଁ ଦାୟୀ କରିଛନ୍ତି। ଏବଂ କହିଛନ୍ତି ସେମାନେ ମୋ ବିଷୟରେ ଭୁଲ୍ ଖବର ପ୍ରଚାର କରିଛନ୍ତି। ମୋତେ ସେମାନେ ରାତିରେ ସେଠାରୁ ଚାଲିଯିବାକୁ କହିଥିଲେ। ପରେ ସେମାନେ ଅନୁଭବ କଲେ ଯେ ମୁଁ ପ୍ରସିଦ୍ଧ ହୋଇଗଲିଣି। ଯଦି ମୁଁ କିଛି ଜାଣିବି , ତେବେ ତାହା ତାଙ୍କ ବିରୋଧରେ ଯିବ। ତେଣୁ ସେମାନେ ମିଛ କହିଦେଲେ। ବମ୍ବେ ଆଇଆଇଟିରୁ ଏରୋସ୍ପେସ ଇଞ୍ଜନିୟରିଂରେ ଡିଗ୍ରୀ ହାସଲ କରିଥିବା ଅଭୟ ସିଂହ ହିଁ ଆଇଆଇଟି ବାବା ଭାବେ ପରିଚିତି ଲାଭ କରିଛନ୍ତି। ସେ ହେଉଛନ୍ତି ଜୁନା ଆଖଡାର ସାଧୁ। ଆଇଆଇଟି ବାବାଙ୍କ ଉପସ୍ଥିତି ଯୋଗୁଁ ଜୁନା ଆଖଡା ସାଧୁଙ୍କ ଆଶ୍ରମରେ ଶ୍ରଦ୍ଧାଳୁ ଓ ଗଣମାଧ୍ୟମ ପ୍ରତିନିଧିଙ୍କର ଅସମ୍ଭବ ଭିଡ ହେବାରେ ଲାଗିଛି।
Popular Categories
Previous article
Next article