ନୀଳଗିରି: ବାଲେଶ୍ୱର ଜିଲା ନୀଳଗିରିସ୍ଥିତ କୁଲଡିହା ଅଭୟାରଣ୍ୟରେ ପ୍ରଥମଥର କରି ଯମଜ ହସ୍ତୀ ବା ଯାଆଁଳା ହାତୀଛୁଆ ଠାବ କରାଯାଇଛି । ପ୍ରାୟ ୩/୪ମାସର ଏହି ହାତୀ ସନ୍ତାନ ୨/୩ଦିନ ପୂର୍ବରୁ ଅଭୟାରଣ୍ୟର ଯୋଡ଼ାଚୁଆ ଅଞ୍ଚଳକୁ ଆସିଥିଲେ । ସେଠାରେ ବନବିଭାଗ ପକ୍ଷରୁ ବିଛା ଯାଇଥିବା ଲୁଣିମାଟି ଖାଇବାକୁ ମା’ ସହ ଦୁଇ ଛୁଆ ହାତୀ ଆସିଥିବା ଦେଖିବାକୁ ମିଳିଛି । ଉଭୟ ହାତୀଛୁଆ ବନକର୍ମଚାରୀଙ୍କୁ ଦେଖିଲେ କୁଆଡ଼େ ନଯାଇ ସେମାନଙ୍କ ସମ୍ମୁଖରେ ରହି ନାଚକୁଦରେ ମସଗୁଲ ରହୁଥିବା ସୂଚନା ମିଳିଛି । ଏହି ହାତୀଛୁଆ ଦ୍ୱୟ ଅଭୟାରଣ୍ୟର ଯୋଡ଼ାଚୁଆ, ଗଡ଼ସିମୁଳିଆ, ଜୁରିଆତୋଟା, ମେଛକୁଣ୍ଡ ପ୍ରଭୃତି ଅଞ୍ଚଳରେ ଘୂରି ବୁଲୁଥିବା ଜଣାଯାଇଛି । ଚାକିରି କାଳ ଭିତରେ ଏଭଳି ଯମଜ ହସ୍ତୀଙ୍କୁ କେବେ ହେଲେ ଦେଖିନଥିଲେ ବୋଲି କହିଛନ୍ତି କୁଲଡିହା ରେଞ୍ଜର ଅନନ୍ତ ଜେନା । ତେବେ ଏହା ନିଶ୍ଚିତ ବନବିଭାଗ ପାଇଁ ଶୁଭସଂକେତ ବୋଲି ଅନେକ ମତ ରଖିଛନ୍ତି । କୁଲଡିହା ବନବିଭାଗ ପକ୍ଷରୁ ଏମାନଙ୍କୁ ସୁରକ୍ଷାକୁ ଦ୍ୱିଗୁଣିତ କରାଯାଇଥିବା ସୂଚନା ମିଳିଛି ।
Popular Categories
Previous article
Next article