ନୂଆଦିଲ୍ଲୀ : ଭାରତୀୟ ବଜାରରେ ସ୍ପୋର୍ଟ୍ସ ମୋଟରସାଇକେଲ ବିକ୍ରି କରୁଥିବା କମ୍ପାନୀ କେଟିଏମ୍ ନିଜ ୩୯୦ ଆଡଭେଞ୍ଚର ଲାଇନଅପକୁ ଅପଡେଟ୍ କରିବା ପାଇଁ ପ୍ରସ୍ତୁତ ହେଉଛି । କମ୍ପାନୀ ନିଜର ଏହି ଲାଇନଅପରେ ନୂଆ ୩୯୦ ଆଡଭେଞ୍ଚର ଏକ୍ସର ସ୍ଥାନ ନେବ । ଅର୍ଥାତ୍ କମ୍ପାନୀ ଭାରତୀୟ ବଜାରରୁ କେଟିଏମ୍ ୩୯୦ ଆଡଭେଞ୍ଚର ଏକ୍ସର ଯାତ୍ରା ସମାପ୍ତ କରିଦେବ ।
କେଟିଏମ୍ ୩୯୦ ଆଡଭେଞ୍ଚର ଏକ୍ସ ପ୍ଲସର ସବୁଠାରୁ ଖାସ୍ କଥା ହେଉଛି ଏହା ଆଇଏମୟୁ- ଆଧାରିତ ଇଲେକ୍ଟ୍ରୋନିକ୍ସ ପ୍ୟାକେଜ୍ ହେବ ଯାହା ଷ୍ଟାଣ୍ଡାର୍ଡ କେଟିଏମ୍ ୩୯୦ ଆଡଭେଞ୍ଚରରୁ ନିଆଯାଇଛି । ଏଥିରେ ସ୍ବିଚେବଲ କର୍ଣ୍ଣରିଂ ଏବିଏସ୍, ସ୍ବିଚେବଲ କର୍ଣ୍ଣରିଂ ଟ୍ରାକ୍ସନ କଣ୍ଟ୍ରୋଲ ଏବଂ କ୍ରୁଜ୍ କଣ୍ଟ୍ରୋଲ ଭଳି ଫିଚର ରହିବ । ଏହା ବ୍ୟତୀତ ଏକ୍ସ ପ୍ଲସରେ ୩ ରାଇଡ୍ ମୋଡ୍ ମଧ୍ୟ ରହିବ । ଏଥିରେ ଷ୍ଟ୍ରିଟ୍, ରେନ୍ ଏବଂ ଅଫ୍ ରୋଡ୍ ସାମିଲ ।
କେଟିଏମ୍ ୩୯୦ ଆଡଭେଞ୍ଚର ଏକ୍ସ ପ୍ଲସର ଦାମ୍ ବର୍ତ୍ତମାନ ଆଡଭେଞ୍ଚର ଏକ୍ସରୁ ପ୍ରାୟ ୧୫ ହଜାରରୁ ୨୦ ହଜାର ଟଙ୍କା ଅଧିକ ହେବା ଅନୁମାନ କରାଯାଉଛି । ଏହି ନୂଆ ମଡେଲ ସେହି ଚାଳକଙ୍କୁ ଉତ୍ତମ ଭାଲ୍ୟୁ ପ୍ରଦାନ କରିବା ଯେଉଁମାନେ କମ୍ ଖର୍ଚ୍ଚରେ ଅଧିକ ଫିଚର୍ ଚାହୁଁଛନ୍ତି । ଏହା ଆଗାମୀ ସପ୍ତାହରେ ଲଞ୍ଚ୍ ହୋଇପାରେ ।
