କୋରେଗାଓଁ ଭିମା ହିଂସା ମାମଲା: ହାଇକୋର୍ଟ ନିର୍ଦ୍ଦେଶକୁ ଖାରଜ କଲେ ସୁପ୍ରିମକୋର୍ଟ

ମହାରାଷ୍ଟ୍ର: କୋରେଗାଓଁ ଭିମା ହିଂସା ମାମଲାରେ ବମ୍ବେ ହାଇକୋର୍ଟ ନିର୍ଦ୍ଦେଶକୁ ସୁପ୍ରିମକୋର୍ଟ ଖାରଜ କରିଛନ୍ତି । କୋରେଗାଓଁ ଭିମା ହିଂସା ମାମଲାରେ ଅଭିଯୋଗପତ୍ର ଦାଖଲ ପାଇଁ ମହାରାଷ୍ଟ୍ର ପୁଲିସ୍‍କୁ ବମ୍ବେ ହାଇକୋର୍ଟ ଅଧିକ ୯୦ଦିନ ସମୟ ଦେବାକୁ ପୂର୍ବରୁ ମନା କରିଥିଲେ । ତେବେ ବମ୍ବେ ହାଇକୋର୍ଟ ଦେଇଥିବା ନିର୍ଦ୍ଦେଶକୁ ବୁଧବାରଦିନ ସୁପ୍ରିମକୋର୍ଟ ଖାରଜ କରିଦେଇଛନ୍ତି। ସୁପ୍ରିମକୋର୍ଟ କହିଛନ୍ତି, ଯେହେତୁ ମହାରାଷ୍ଟ୍ର ପୁଲିସ୍‍ ଅଭିଯୋଗପତ୍ର ଦାଖଲ କରି ସାରିଛି ସେ ଦୃଷ୍ଟିରୁ ୫ଜଣ ଯାକ ମାନବାଧିକାର କର୍ମୀ ସାଧାରଣ ଜାମିନ୍‍ ଲୋଡ଼ିନପାରନ୍ତି। ପ୍ରଧାନ ବିଚାରପତି ରଞ୍ଜନ ଗୋଗୋଇଙ୍କ ଅଧ୍ୟକ୍ଷତାରେ ଗଠିତ ଖଣ୍ଡପୀଠ ବମ୍ବେ ହାଇକୋର୍ଟଙ୍କ ନିର୍ଦ୍ଦେଶ ଉପରେ ସ୍ଥଗିତାଦେଶ ଲାଗୁ କରିଛନ୍ତି।