ସଂସଦ ସୌଧରେ କୋଣାର୍କ ଚକ୍ର

ନୂଆଦିଲ୍ଲୀ : ନୂତନ ସଂସଦ ସୌଧର ପ୍ରବେଶ ଦ୍ୱାର କର୍ମଦ୍ୱାରରେ କୋଣାର୍କ ଚକ୍ରର ପ୍ରତୀକ ସ୍ଥାନ ପାଇଛି। ଏହି ପ୍ରବେଶ ଦ୍ୱାର ଡାହଣ ପାର୍ଶ୍ବର କୋଣାର୍କ ଚକ୍ର ଶୋଭା ପାଉଛି। ପିତ୍ତଳ ଧାତୁରେ ନିର୍ମିତ ଏହି କୋଣାର୍କ ଚକ୍ରର ଓଜନ ୩ ହଜାର କିଲୋଗ୍ରାମ ରହିଛି । ଗାଜିଆବାଦ ଅଞ୍ଚଳର ଲୋନି ଠାରେ ୩୦ରୁ ଊର୍ଦ୍ଧ୍ବ କାରିଗର ଏହି ଚକ୍ରକୁ ନିର୍ମାଣ କରିଛନ୍ତି । ପ୍ରକାଶ ଯେ ନୂତନ ସଂସଦ ସୌଧର ଜ୍ଞାନ, ଶକ୍ତି ଓ କର୍ମ ନାମକ ତିନୋଟି ପ୍ରବେଶ ଦ୍ୱାର ରହିଛି।

ଏନେଇ କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଟ୍ବିଟ୍‌ କରିଛନ୍ତି ଯେ, ନୂତନ ସଂସଦ ଭବନ ‘ଏକ ଭାରତ, ଶ୍ରେଷ୍ଠ ଭାରତ’ ଭାବନାର ଏକ ଅନୁପମ ଉଦାହରଣ। ଲୋକତନ୍ତ୍ରର ଏହି ମନ୍ଦିରରେ ଓଡ଼ିଶାର ଗୌରବଶାଳୀ ସାଂସ୍କୃତିକ ବିରାସତ୍‌ର ଏକ ଝଲକ ରହିଛି। ଉର୍ଜା, କୌଶଳ ଓ ଗତିଶୀଳତାକୁ ଏହି କୋଣାର୍କ ଚକ୍ର ପ୍ରେରିତ କରୁଛି। ଓଡ଼ିଶା ସ୍ବର୍ଯ୍ୟ ମନ୍ଦିର ଏହି କଳାକୃତି କୋଣାର୍କ ଭାରତର ବୈଭବର ପ୍ରତିବିମ୍ବ ବୋଲି କେନ୍ଦ୍ରମନ୍ତ୍ରୀ ଶ୍ରୀ ପ୍ରଧାନ ଟ୍ବିଟ୍‌ କରିଛନ୍ତି।