ଗୋପ : ଗୋପ-କୋଣାର୍କ ରାସ୍ତାର ବାୟାକୁଦା ଗାଁ ନିକଟରେ ମର୍ମନ୍ତୁଦ ସଡକ ଦୁର୍ଘଟଣା ଘଟି ଜଣଙ୍କ ମୃତ୍ୟୁ ଘଟିଛି। ଏହାସହ ୨ ଜଣ ଗୁରୁତର ହୋଇଛନ୍ତି। ଦ୍ରୁତ ଗତିରେ କୋଣାର୍କ ଯାଉଥିବା କାର ବାଇକକୁ ଧକ୍କା ଦେବା ସହ ଦୁଇଜଣ ଫୁଲ ତୋଳୁଥିବା ମହିଳାଙ୍କୁ ଧକ୍କା ଦେଇଥିଲା। ଘଟଣାସ୍ଥଳରେ ବଡମଠ ଗ୍ରାମର ରେଣୁ ବେହେରା (୭୦)ଙ୍କର ମୃତ୍ୟୁ ଘଟିଛି। ଦୁର୍ଘଟଣାରେ ବାୟାକୁଦା ଗ୍ରାମର ରଂଜିତା ବେହେରା (୪୮) ଗୁରୁତର ହୋଇଥିବା ବେଳେ ଦୁର୍ଘଟଣା ଘଟାଇ ଥିବା କାରଟି ବାଇକକୁ ଧକ୍କା ଦେଇଥିଲା।
- Advertisement -
ପୋଇତରା ଗ୍ରାମର ନିରଞ୍ଜନ ପ୍ରଧାନ ବାଇକ ଆରୋହୀ ମଧ୍ୟ ଗୁରୁତର ହୋଇଛନ୍ତି। ଘଟଣାସ୍ଥଳରେ ଉତ୍ତେଜନା ଲାଗି ରହିଥିବା ବେଳେ ଗୋପ ପୁଲିସ ପହଞ୍ଚି ତଦନ୍ତ ଆରମ୍ଭ କରିଛି।
