ନୂଆଦିଲ୍ଲୀ: ଦିନିକିଆ, ଟି-୨୦ ଏବଂ ଟେଷ୍ଟ ସିରିଜ ଲାଗି ଭାରତୀୟ ଟିମ୍ ଏବେ ଅଷ୍ଟ୍ରେଲିଆ ଗସ୍ତରେ ରହିଛି। ତେବେ ଏହି ସମୟରେ ଟିମ ଇଣ୍ଡିଆ ଏକାଧିକ ବିବାଦ ଘେରକୁ ଆସିଛି। ମେଲବୋର୍ଣ୍ଣର ଏକ ରେଷ୍ଟୁରାଣ୍ଟରେ ଟିମ ଇଣ୍ଡିଆ ଖେଳାଳିମାନେ କରୋନା ପ୍ରୋଟୋକଲ ଭାଙ୍ଗିବା ପରେ ୫ ଖେଳାଳିଙ୍କୁ କ୍ବାରେଣ୍ଟାଇନରେ ରହିବାକୁ ପଡ଼ିଛି। ଏହି ବିବାଦ ନ ଥମୁଣୁ ଆଉ ଏକ ବିବାଦ ସାମ୍ନାକୁ ଆସିଛି। ଏହି ବିବାଦରେ ପଡ଼ିଛନ୍ତି ଟିମ୍ ଇଣ୍ଡିଆ ଅଧିନାୟକ ବିରାଟ କୋହଲି।
କୋହଲି ବି କରୋନା ପ୍ରୋଟୋକଲ ଭାଙ୍ଗିଥିବା ଦାବି କରିଛି ଅଷ୍ଟ୍ରେଲିଆ ଗଣମାଧ୍ୟମ ଫକ୍ସ କ୍ରିକେଟ। ଫକ୍ସ କ୍ରିକେଟ ପକ୍ଷରୁ ସୋସିଆଲ ମିଡିଆରେ ଏକ ଫଟୋ ଶେୟାର କରାଯାଇ କୁହାଯାଇଛି ଯେ, ଭାରତୀୟ ଖେଳାଳି ପୂର୍ବରୁ ମଧ୍ୟ କରୋନା ନିୟମ ଉଲ୍ଲଂଘନ କରିଛନ୍ତି। ବିରାଟ କୋହଲି ଏବଂ ହାର୍ଦ୍ଦିକ ପାଣ୍ଡ୍ୟା ଜଣେ ବିଦେଶୀ ମହିଳା ପ୍ରଶଂସକଙ୍କ ସହିତ ଫଟୋ ଉଠାଇଥିବା ଦେଖିବାକୁ ମିଳିଛି।
ଏହି ଫଟୋଟି ଡିସେମ୍ବର ୭ ତାରିଖର ବୋଲି କୁହାଯାଇଛି। କୋହଲି ଏବଂ ପାଣ୍ଡ୍ୟା ସିଡ୍ନୀରେ ପିଲାଙ୍କ ପାଇଁ କିଛି ସାମଗ୍ରୀ କିଣିବା ଲାଗି ଶପିଂମଲ୍ ଯାଇଥିବାବେଳେ ସେଠାରେ ଏହି ଫଟୋ ଉଠାଇଥିଲେ। ଏହା କରୋନା ପ୍ରୋଟୋକଲର ଜୈବ ନିରାପତ୍ତା ବଳୟ ନିୟମ ଉଲ୍ଲଂଘନ ବୋଲି ଦର୍ଶାଯାଇଛି।
Comments are closed.