ନୂଆଦିଲ୍ଲୀ : ଦିଲ୍ଲୀରେ କେଦାରନାଥ ମନ୍ଦିରର ଆଧାରଶିଳା ରଖିବାକୁ ନେଇ ବିବାଦ ଦେଖାଦେଇଛି । ଜ୍ୟୋତିର୍ମଠର ଶଙ୍କରାଚାର୍ଯ୍ୟ ସ୍ବାମୀ ଅଭିମୁକ୍ତେଶ୍ବରାନନ୍ଦ ରାଜଧାନୀରେ କେଦାରନାଥ ମନ୍ଦିର ନିର୍ମାଣକୁ ନେଇ କଡା ବିରୋଧ କରିଛନ୍ତି । ସେ କେଦାରନାଥ ମନ୍ଦିରର ଗର୍ଭଗୃହ ଭିତରେ ସୁନାର ଆସ୍ତରଣ ଲଗାଇବା କାମରେ ଘୋଟାଲା ଅଭିଯୋଗ ମଧ୍ୟ ଲଗାଇଛନ୍ତି । ଶଙ୍କରାଚାର୍ଯ୍ୟ କହିଛନ୍ତି କି କେଦାରନାଥ ମନ୍ଦିରରୁ ୨୨୮ କିଲୋ ସୁନା ଗାଏବ ହୋଇଛି.. ଏହାର ହିସାବ କିଏ ଦେବ ?
ସ୍ବାମୀ ଅଭିମୁକ୍ତେଶ୍ବରାନନ୍ଦ କହିଛନ୍ତି କି ‘କେଦାରନାଥରେ ସୁନାର ହେରଫେର ହୋଇଛି । ଏହି ମୁଦ୍ଦାକୁ କାହିଁକି ଉଠାଯାଇନି ? ସେଠାରେ ଘୋଟାଲା କରିବା ପରେ ଏବେ ଦିଲ୍ଲୀରେ କେଦାରନାଥ ନିର୍ମାଣ ହେବ ? ନା ଆଉ ଏକ ଦୁର୍ନୀତି ହେବ ।’
#WATCH | Mumbai: On Kedarnath Temple to be built in Delhi, Shankaracharya of Jyotirmath, Swami Avimukteshwaranand alleges, “There is a gold scam in Kedarnath, why is that issue not raised? After doing a scam there, now Kedarnath will be built in Delhi? And then there will be… pic.twitter.com/x69du8QJN2
— ANI (@ANI) July 15, 2024
ଗତ ବର୍ଷ କେଦାରନାଥ ମନ୍ଦିରର ଜଣେ ବରିଷ୍ଠ ପୂଜାରୀ କେଦାରନାଥ ମନ୍ଦିରରେ ସୁନାର ଆସ୍ତରଣ ଚଢାଇବା କାମରେ ୧୨୫ କୋଟି ଟଙ୍କାର ଦୁର୍ନୀତି ଅଭିଯୋଗ ଲଗାଇଥିଲେ । ସୁନା ବଦଳରେ ପିତ୍ତଳ ପ୍ରଲେପ ଲଗାଯାଇଥିବା ସେ ଅଭିଯୋଗ କରିଥିଲେ । ତେବେ ମନ୍ଦିର ସମିତି ଏହି ଅଭିଯୋଗକୁ ଖାରଜ କରିଦେଇଥିଲା । ଏବେ ଶଙ୍କରାଚାର୍ଯ୍ୟ କହିଛନ୍ତି କି ‘କେଦାରନାଥରୁ ୨୨୮ କିଲୋ ସୁନା ଗାଏବ.. କିଛି ଯାଞ୍ଚ ଆରମ୍ଭ ହୋଇନି । ଏଥିପାଇଁ କିଏ ଦାୟୀ ? ଏବେ ସେମାନେ କହୁଛନ୍ତି କି ଦିଲ୍ଲୀରେ କେଦାରନାଥ ନିର୍ମାଣ କରିବେ । ଏହା ହୋଇପାରିବନି ।’
Comments are closed.