ଯଦି ଆପଣଙ୍କ ଶରୀର କିଛି ସଙ୍କେତ ଦେଉଛି ତେବେ ତାହାକୁ ଆପଣ ଅଣଦେଖା କରନ୍ତୁ ନାହିଁ । କାରଣ ଆପଣଙ୍କ ଏହି ଅଣଦେଖା ପରବର୍ତ୍ତୀ ସମୟରେ ମହଙ୍ଗା ପଡିପାରେ । ତେବେ ଆସନ୍ତୁ ଜାଣିବା ସେହି ସବୁ ସଙ୍କେତ କ’ଣ ?
୧. ସର୍ବଦା ଦୁର୍ବଳ ଲାଗିବା କିମ୍ବା ଶରୀରରେ ଶକ୍ତି କମ୍ ଅନୁଭବ ହେବା ଏବଂ କୌଣସି କାର୍ଯ୍ୟ କରିବାକୁ ଇଚ୍ଛା ନ ହେବା ଏସବୁ ଲକ୍ଷଣ ବୃକକ୍ ଖରାପର ସଙ୍କେତ ବୋଲି ବିଶେଷଜ୍ଞ ମତ ଦେଇଛନ୍ତି ।
୨. ବାରମ୍ବାର ପରିସ୍ରା ଲାଗିବା ଏବଂ ରାତିରେ ଅନେକ ଥର ପରିସ୍ରା ଯିବା, ଶରୀରରେ ଥିବା କିଛି ରୋଗର ସଙ୍କେତ ଦେଇଥାଏ । ଏଭଳି ସଙ୍କେତ ମିଳିଲେ ଅବହେଳା କରନ୍ତୁ ନାହିଁ, ତୁରନ୍ତ ଡାକ୍ତରଙ୍କ ନିକଟକୁ ଯାଆନ୍ତୁ ।
୩. ଯଦି ଆପଣଙ୍କ ତ୍ବଚାରେ ହଠାତ୍ ପରିବର୍ତ୍ତନ ଦେଖୁଛନ୍ତି, ଯେମିତି ତ୍ବଚା ଜଳାପୋଡା ହେବା କିମ୍ବା କୁଣ୍ଡେଇ ହେବା ଭଳି ସଙ୍କେତ ମିଳେ ତେବେ ଡେରି ନକରି ତୁରନ୍ତ ଡାକ୍ତରଙ୍କ ପରାମର୍ଶ ନିଅନ୍ତୁ ।
୪. ଯଦି ପରିସ୍ରାରେ ରକ୍ତ ଦେଖା ଦେଉଥାଏ ତେବେ ବୃକକରେ ପଥର ବା ବୃକକ୍ ସଂକ୍ରମଣ ହେବାର ଆଶଙ୍କା କରାଯାଏ ।
୫. ଉଚିତ୍ ସମୟ ବ୍ୟବଧାନରେ ଭୋକ ନହେବା, ରାତିରେ ନିଦ ନ ହେବା ଏବଂ ପରିସ୍ରା ଦୁର୍ଗନ୍ଧ ହେବା ବୃକକ୍ ଖରାପର ସଙ୍କେତ ବୋଲି ବୁଝିଯିବେ ।
